Innlent

Segja ræningjann hafa sprittað sig fyrir ránið

Kjartan Kjartansson skrifar
Chido selur mexíkóskan mat við Ægissíðu.
Chido selur mexíkóskan mat við Ægissíðu.

Maður sem framdi vopnað rán á veitingastað í vesturbæ Reykjavíkur í dag er sagður hafa sprittað sig „í bak og fyrir“ áður en hann lét til skarar skríða. Starfsmenn staðarins sakaði ekki og lofa forsvarsmenn fyrirtækisins þá fyrir að hafa sýnt yfirvegun.

Tilkynnt var um rán á veitingastaðnum Chido á Ægissíðu klukkan tvö í dag. Guðmundur Óskar Pálsson, einn eigenda staðarins, sagði Vísi í dag að ræninginn hefði ógnað starfsmanni með hnífi og komist undan með einhverja tugi þúsunda króna. Lögreglan á höfuðborgarsvæðinu sagði ræningjann enn ófundinn síðdegis í dag.

Í Facebook-færslu veitingastaðarins í kvöld kemur fram að ræninginn hafi hugað að sóttvörnum áður en hann dró upp hníf.

„Merkilegt nokk, gerandinn passaði að spritta sig í bak og fyrir áður en hann lét til skarar skríða,“ segir í færslunni.

Allir starfsmenn staðarins eru sagðir óhultir og hélt staðurinn áfram rekstri í dag.

„Starfsmennirnir okkar sýndu mikla yfirvegun og okkar forgangur númer eitt, tvö og þrjú er að hlúa að þeim enda er þetta afar ógnvekjandi lífsreynsla,“ segir í færslunni.


Tengdar fréttir

Vopnað rán á Chido

Vopnað rán var framið á skyndibitastaðnum Chido á Ægissíðu í Vesturbæ Reykjavíkur um tvöleytið í dag.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.