Mælast enn til þess að öllu íþróttastarfi verði frestað þrátt fyrir reglugerð ráðherra Sunna Kristín Hilmarsdóttir og Lillý Valgerður Pétursdóttir skrifa 7. október 2020 12:27 Þórólfur Guðnason, sóttvarnalæknir. Vísir/Vilhelm Þórólfur Guðnason, sóttvarnalæknir, og almannavarnir mælast enn til þess að öllu íþróttastarfi á höfuðborgarsvæðinu verði slegið á frest næstu tvær vikurnar þrátt fyrir að reglugerð Svandísar Svavarsdóttur, heilbrigðisráðherra, sem birt var í gærkvöldi heimili íþróttastarf barna og íþróttir utandyra. Þetta segir Þórólfur í samtali við fréttastofu. Í minnisblaði hans til ráðherra vegna hertra samkomutakmarkanna á höfuðborgarsvæðinu mæltist hann til þess að öllu íþróttastarfi yrði slegið á frest. Ráðherra fór hins vegar ekki í öllu eftir þessari tillögu Þórólfs. „Við mæltumst til að íþróttir yrðu stöðvaðar og líkamsrækt næstu tvær vikurnar. Þetta var endanleg útfærsla í auglýsingunni að íþróttir og íþróttastarf innandyra væri bannað. Það var gert á þeim grunni að smithættan væri meiri þar, þar væri meiri nánd, en áfram væri íþróttastarf leyft utandyra með tveggja metra reglunni. Það eru hins vegar spurningar sem vakna í kringum þetta sem við erum bara að útfæra í samvinnu við ráðuneytið og íþróttahreyfinguna hvað þetta þýðir í raun og veru varðandi íþróttastarf hér á höfuðborgarsvæðinu og við erum ekki alveg búin að fá endanlegan botn í það,“ segir Þórólfur. Aðspurður hvort að ráðherra fari ekki í raun og veru gegn ráðleggingum sóttvarnalæknis segir Þórólfur ráðherrann ekki fara alveg eftir þeim og hugsa þetta aðeins öðruvísi. „Og vel að merkja þá er allt þetta unnið í mjög miklum flýti og það getur verið að það séu einhver svona atriði sem hafi dottið upp fyrir og við þurfum bara að skýra það. En það er ekkert óeðlilegt þótt ráðherra fari ekki í einu og öllu eftir því sem ég legg til. Hann þarf oft að líta til annarra hluta og taka víðara sjónarhorn á það og það er ekkert óeðlilegt finnst mér,“ segir Þórólfur. Mikilvægt að veita eins fáar undanþágur og mögulegt er Þrátt fyrir reglugerðina mælast þó sóttvarnalæknir og almannavarnir til þess að íþróttastarf á höfuðborgarsvæðinu verði raunverulega stoppað næstu tvær vikurnar. „Ég held að það sé mjög mikilvægt að það sé þannig til þess að gera það sem við getum til þess að stoppa þetta.“ Þannig að þrátt fyrir að ráðherra leggi annað til þá er það þín skoðun að það eigi að stoppa allt íþróttastarf, líka hjá börnum? „Líka hjá börnum. Ég held að sérstaklega þessa stóru atburði, það eigi líka að stoppa þá næstu tvær vikur og ég held að það muni enginn bíða skaða af því þótt íþróttastarf stöðvist í tvær vikur,“ segir Þórólfur. Aðspurður hvort hann upplifi einhvern þrýsting, til dæmis vegna landsleiks Íslands og Rúmeníu í undanúrslitum umspils fyrir EM í knattspyrnu karla sem fyrirhugaður er á morgun segir Þórólfur: „Það sem gerist þá í þessu væri það að annað hvort fá menn undanþágu frá þessum landsleik eða landsleikurinn fer bara fram með þessum áhorfendafjölda sem er leyfður. Við höfum alltaf verið að gera alls konar undanþágur frá þeim reglum sem eru í gangi og það er mjög mikið af undanþágubeiðnum sem eru að berast inn núna. En ég stend við það eins og ég sagði í gær að ég held að það sé mjög mikilvægt að veita eins fáar undanþágur og mögulegt er. Ef við förum að veita margar undanþágur þá bíta þessar aðgerðir ekki.“ Búast má við fleiri innlögnum á spítalann á næstunni 87 manns greindust með kórónuveiruna innanlands í gær. Þórólfur segir að þann fjölda svipaðan og við mátti búast en á mánudag greindust 99 með veiruna innanlands, langflestir á höfuðborgarsvæðinu. Áfram eru langflestir þeirra sem greinast búsettir á höfuðborgarsvæðinu en á miðnætti tóku hertar samkomutakmarkanir gildi þar. „Þannig að þróunin er bara svipuð því sem við bjuggumst við og eins og við vorum búin að segja, það tekur eina til tvær vikur að sjá árangurinn af þessum aðgerðum,“ segir Þórólfur. Fimm voru lagðir inn á Landspítalann síðastliðinn sólarhring vegna Covid-19 og tveir útskrifaðir. Alls eru þá átján inniliggjandi vegna sjúkdómsins. Þar af eru fjórir á gjörgæslu og þrír þeirra eru í öndunarvél. Þórólfur segir að búast megi við því að fleiri leggist inn á spítalann á næstunni þar sem áfram séu mjög margir í eftirliti hjá Covid-göngudeildinni. Uppfært klukkan 16:35 Sóttvarnalæknir og almannavarnadeild ríkislögreglustjóra standa við tilmæli sín þess efnis að allt íþróttastarf barna, þar með taldar æfingar í yngri flokkum, verði lagðar niður næstu tvær vikurnar. Þetta segir Jóhann K. Jóhannsson, upplýsingafulltrúi almannvarna í samtali við Vísi. Öll hópamyndun auki líkur á dreifingu smita og geri smitrakningu erfiðari. Ráðuneytið hafi ákveðið að heimila íþróttastarf barna og íþróttir utandyra og hafi sínar ástæður fyrir því. Tilmæli sóttvarnalæknis standi hins vegar. Faraldur kórónuveiru (COVID-19) Samkomubann á Íslandi Íþróttir barna Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Útlagar spreyjaðir gylltir Innlent Auglýsa eftir „eiganda“ fjármuna Innlent Tíu sektaðir vegna notkunar nagladekkja Innlent „Ákveðnar efasemdir um ákveðna þætti“ Innlent Dómi Harvey Weinstein snúið við Erlent Ögurstund og opnunarhóf hjá frambjóðendum Innlent Helga Þórisdóttir komin með lágmarksfjölda meðmæla Innlent Tveir létust í banaslysi í Eyjafirði Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira
Þórólfur Guðnason, sóttvarnalæknir, og almannavarnir mælast enn til þess að öllu íþróttastarfi á höfuðborgarsvæðinu verði slegið á frest næstu tvær vikurnar þrátt fyrir að reglugerð Svandísar Svavarsdóttur, heilbrigðisráðherra, sem birt var í gærkvöldi heimili íþróttastarf barna og íþróttir utandyra. Þetta segir Þórólfur í samtali við fréttastofu. Í minnisblaði hans til ráðherra vegna hertra samkomutakmarkanna á höfuðborgarsvæðinu mæltist hann til þess að öllu íþróttastarfi yrði slegið á frest. Ráðherra fór hins vegar ekki í öllu eftir þessari tillögu Þórólfs. „Við mæltumst til að íþróttir yrðu stöðvaðar og líkamsrækt næstu tvær vikurnar. Þetta var endanleg útfærsla í auglýsingunni að íþróttir og íþróttastarf innandyra væri bannað. Það var gert á þeim grunni að smithættan væri meiri þar, þar væri meiri nánd, en áfram væri íþróttastarf leyft utandyra með tveggja metra reglunni. Það eru hins vegar spurningar sem vakna í kringum þetta sem við erum bara að útfæra í samvinnu við ráðuneytið og íþróttahreyfinguna hvað þetta þýðir í raun og veru varðandi íþróttastarf hér á höfuðborgarsvæðinu og við erum ekki alveg búin að fá endanlegan botn í það,“ segir Þórólfur. Aðspurður hvort að ráðherra fari ekki í raun og veru gegn ráðleggingum sóttvarnalæknis segir Þórólfur ráðherrann ekki fara alveg eftir þeim og hugsa þetta aðeins öðruvísi. „Og vel að merkja þá er allt þetta unnið í mjög miklum flýti og það getur verið að það séu einhver svona atriði sem hafi dottið upp fyrir og við þurfum bara að skýra það. En það er ekkert óeðlilegt þótt ráðherra fari ekki í einu og öllu eftir því sem ég legg til. Hann þarf oft að líta til annarra hluta og taka víðara sjónarhorn á það og það er ekkert óeðlilegt finnst mér,“ segir Þórólfur. Mikilvægt að veita eins fáar undanþágur og mögulegt er Þrátt fyrir reglugerðina mælast þó sóttvarnalæknir og almannavarnir til þess að íþróttastarf á höfuðborgarsvæðinu verði raunverulega stoppað næstu tvær vikurnar. „Ég held að það sé mjög mikilvægt að það sé þannig til þess að gera það sem við getum til þess að stoppa þetta.“ Þannig að þrátt fyrir að ráðherra leggi annað til þá er það þín skoðun að það eigi að stoppa allt íþróttastarf, líka hjá börnum? „Líka hjá börnum. Ég held að sérstaklega þessa stóru atburði, það eigi líka að stoppa þá næstu tvær vikur og ég held að það muni enginn bíða skaða af því þótt íþróttastarf stöðvist í tvær vikur,“ segir Þórólfur. Aðspurður hvort hann upplifi einhvern þrýsting, til dæmis vegna landsleiks Íslands og Rúmeníu í undanúrslitum umspils fyrir EM í knattspyrnu karla sem fyrirhugaður er á morgun segir Þórólfur: „Það sem gerist þá í þessu væri það að annað hvort fá menn undanþágu frá þessum landsleik eða landsleikurinn fer bara fram með þessum áhorfendafjölda sem er leyfður. Við höfum alltaf verið að gera alls konar undanþágur frá þeim reglum sem eru í gangi og það er mjög mikið af undanþágubeiðnum sem eru að berast inn núna. En ég stend við það eins og ég sagði í gær að ég held að það sé mjög mikilvægt að veita eins fáar undanþágur og mögulegt er. Ef við förum að veita margar undanþágur þá bíta þessar aðgerðir ekki.“ Búast má við fleiri innlögnum á spítalann á næstunni 87 manns greindust með kórónuveiruna innanlands í gær. Þórólfur segir að þann fjölda svipaðan og við mátti búast en á mánudag greindust 99 með veiruna innanlands, langflestir á höfuðborgarsvæðinu. Áfram eru langflestir þeirra sem greinast búsettir á höfuðborgarsvæðinu en á miðnætti tóku hertar samkomutakmarkanir gildi þar. „Þannig að þróunin er bara svipuð því sem við bjuggumst við og eins og við vorum búin að segja, það tekur eina til tvær vikur að sjá árangurinn af þessum aðgerðum,“ segir Þórólfur. Fimm voru lagðir inn á Landspítalann síðastliðinn sólarhring vegna Covid-19 og tveir útskrifaðir. Alls eru þá átján inniliggjandi vegna sjúkdómsins. Þar af eru fjórir á gjörgæslu og þrír þeirra eru í öndunarvél. Þórólfur segir að búast megi við því að fleiri leggist inn á spítalann á næstunni þar sem áfram séu mjög margir í eftirliti hjá Covid-göngudeildinni. Uppfært klukkan 16:35 Sóttvarnalæknir og almannavarnadeild ríkislögreglustjóra standa við tilmæli sín þess efnis að allt íþróttastarf barna, þar með taldar æfingar í yngri flokkum, verði lagðar niður næstu tvær vikurnar. Þetta segir Jóhann K. Jóhannsson, upplýsingafulltrúi almannvarna í samtali við Vísi. Öll hópamyndun auki líkur á dreifingu smita og geri smitrakningu erfiðari. Ráðuneytið hafi ákveðið að heimila íþróttastarf barna og íþróttir utandyra og hafi sínar ástæður fyrir því. Tilmæli sóttvarnalæknis standi hins vegar.
Faraldur kórónuveiru (COVID-19) Samkomubann á Íslandi Íþróttir barna Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Útlagar spreyjaðir gylltir Innlent Auglýsa eftir „eiganda“ fjármuna Innlent Tíu sektaðir vegna notkunar nagladekkja Innlent „Ákveðnar efasemdir um ákveðna þætti“ Innlent Dómi Harvey Weinstein snúið við Erlent Ögurstund og opnunarhóf hjá frambjóðendum Innlent Helga Þórisdóttir komin með lágmarksfjölda meðmæla Innlent Tveir létust í banaslysi í Eyjafirði Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira