Framlengja gæsluvarðhald vegna brunans á Bræðraborgarstíg

Samúel Karl Ólason skrifar 8. september 2020 17:59

Maðurinn sem grunaður er um að hafa kveikt í húsinu er á sjötugsaldri. Vísir/Vilhelm

Héraðsdómur Reykjavíkur úrskurðaði í dag manninn sem grunaður er um að hafa valdið brunanum á Bræðraborgarstíg í sumar í áframhaldandi gæsluvarðhald. Maðurinn sem er á sjötugsaldri, mun vera í gæsluvarðhaldi til 18. september.

Lögreglan á höfuðborgarsvæðinu lagði fram kröfu um framlengingu gæsluvarðhalds í þágu rannsóknar embættisins á brunanum.

Kveikt var í húsinu að Bræðraborgarstíg 1 þann 25. júní. Þrír dóu í brunanum og er hann rannsakaður sem manndráp af ásetningi.

Tíu sem bjuggu í húsinu og fjölskyldur þeirra sem dóu hafa skoðað að höfða bæði mál gegn manninum í gæsluvarðhaldi og eiganda hússins.

Bruni á Bræðraborgarstíg Lögreglumál Slökkvilið Dómsmál

Tengdar fréttir

Vill skoða hvort beita ætti sektum þar sem brunavörnum er ábótavant

Slökkviliðsstjórinn á höfuðborgarsvæðinu vill skoða hvort beita ætti sektum þar sem brunavörnum er ábótavant.

15. ágúst 2020 20:00

Úrskurðaður í fjögurra vikna áframhaldandi gæsluvarðhald

Héraðsdómur Reykjavíkur úrskurðaði í dag karlmann á sjötugsaldri í fjögurra vikna áframhaldandi gæsluvarðhald í þágu rannsóknar á bruna við Bræðraborgarstíg í júní.

11. ágúst 2020 14:38

Bruninn rannsakaður sem manndráp af ásetningi

Lögreglan rannsakar brunann við Bræðraborgarstíg sem manndráp af ásetningi. Þrír létust í brunanum sem átti sér stað þann 25. júní

25. júlí 2020 07:27

Bruninn á Bræðraborgarstíg: Grunur um að eldsneyti hafi verið ausið á ganginn áður en kveikt var í

Grunur leikur á að eldsneyti hafi verið ausið á ganginn og kveikt í húsinu sem brann á horni Bræðraborgarstígs og Vesturgötu.

13. júlí 2020 20:02

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.