Alan Shearer fagnaði eins og óður maður þegar Isaac Hayden skoraði sigurmark Newcastle United gegn Chelsea í ensku úrvalsdeildinni í dag.
Hayden skoraði eina mark leiksins þegar fjórar mínútur voru komnar fram yfir venjulegan leiktíma.
Gary Lineker, félagi Shearers í Match of the Day á BBC, birti myndband af viðbrögðum Shearers við markinu á Twitter. Það má sjá hér fyrir neðan.
— Gary Lineker (@GaryLineker) January 18, 2020
Shearer er markahæsti leikmaður í sögu Newcastle og í miklum metum hjá stuðningsmönnum félagsins.
Hann var dýrasti leikmaður í heimi þegar Newcastle keypti hann frá Blackburn Rovers á 15 milljónir punda sumarið 1996. Shearer lék með Newcastle í tíu ár og skoraði alls 206 mörk fyrir félagið.
