Newcastle vann dramatískan sigur á Chelsea

Ingvi Þór Sæmundsson skrifar
Hayden fagnar sigurmarki sínu.
Hayden fagnar sigurmarki sínu. vísir/getty

Isaac Hayden tryggði Newcastle United sigur á Chelsea með marki á fjórðu mínútu í uppbótartíma í síðasta leik dagsins í ensku úrvalsdeildinni. Lokatölur 1-0, Newcastle í vil.



Allt stefndi í markalaust jafntefli en þegar fjórar mínútur voru komnar fram yfir venjulegan leiktíma skallaði Hayden fyrirgjöf Allans Saint-Maximin í netið og tryggði heimamönnum stigin þrjú.

Þetta var fyrsti sigur Newcastle í fimm leikjum. Liðið er í 12. sæti deildarinnar með 29 stig.

Chelsea er í 4. sætinu með 39 stig. Þetta var áttunda tap liðsins í deildinni í vetur.

Bein lýsing

Leikirnir






    Fleiri fréttir

    Sjá meira