Búið er að hætta við Arion banka mótið í fótbolta sem halda átti um næstu helgi. Tæplega 2.500 stúlkur og drengir höfðu skráð sig til leiks á mótið sem átti að fara fram á félagssvæði Víkings í Fossvogi 15. og 16. ágúst.

Í yfirlýsingu á vef Arion banka segir að aðstæður bjóði ekki upp á jafn fjölmennan viðburð og mótið sé.

Samkomutakmarkanir í kjölfar fjölgunar smitaðra í Covid-19 faraldrinum hafa leitt til þess að hætt hefur verið við fjölda viðburða að undanförnu. Þjóðhátíð, Menningarnótt og íþróttamót, svo eitthvað sé nefnt.