Innlent

Tveir fluttir á slysa­deild eftir líkams­­á­rásir

Vésteinn Örn Pétursson skrifar
Tveir voru fluttir á slysadeild Landspítalans í Fossvogi samkvæmt lögreglu.
Tveir voru fluttir á slysadeild Landspítalans í Fossvogi samkvæmt lögreglu. Vísir/Vilhelm

Lögreglan á höfuðborginni kveðst í dagbók sinni til fjölmiðla hafa fengið þrjár tilkynningar um líkamsárásir á tímabilinu klukkan fimm í gær til fimm í morgun. Þolendur eru sagðir hafa hlotið andlits- og höfuðáverka og þurftu tveir þeirra að fara með sjúkrabíl á bráðamóttöku Landspítalans í Fossvogi.

Tvær líkamsárásanna eru sagðar hafa átt sér stað við skemmtistaði og ein við verslun í austurbænum. Gerendur voru farnir af vettvangi þegar lögreglu bar að garði, samkvæmt dagbók hennar.

Þá voru alls fimm grunaðir um akstur undir áhrifum áfengis og/eða fíkniefna.

„Einnig voru nokkur önnur mál vegna slagsmála og óláta en þau voru yfirstaðin er lögregla kom á staðinn og líklega verða ekki eftirmál,“ segir í niðurlagi dagbókarfærslu lögreglunnar á höfuðborgarsvæðinu sem send var út snemma í morgun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×