Innlent

Svona var blaða­manna­fundur um breyttar sótt­varnar­að­gerðir

Kristín Ólafsdóttir skrifar
Katrín Jakobsdóttir forsætisráðherra á blaðamannafundinum fyrr í dag.
Katrín Jakobsdóttir forsætisráðherra á blaðamannafundinum fyrr í dag. vísir/arnar

Ríkisstjórnin boðaði til blaðamannafundar í Safnahúsinu við Hverfisgötu klukkan 11 í dag, fimmtudaginn 30. júlí. Meginefni fundarins voru breytingar á sóttvarnaraðgerðum vegna þeirra hópsýkinga kórónuveiru sem hafa nýlega greinst í samfélaginu.

Á fundinum voru Katrín Jakobsdóttir, forsætisráðherra, Svandís Svavarsdóttir, heilbrigðisráðherra og Áslaug Arna Sigurbjörnsdóttir, dómsmálaráðherra. Þá voru Alma D. Möller landlæknir, Kamilla Sigríður Jósefsdóttir staðgengill sóttvarnalæknis og Víðir Reynisson yfirlögregluþjónn hjá almannavarnadeild ríkislögreglustjóra til svara á fundinum.

Ríkisstjórnin fundaði í ráðherrabústaðnum í morgun, þar sem farið var yfir tillögur sóttvarnalæknis um breyttar aðgerðir vegna veirunnar. Tillögurnar komu inn á borð Svandísar Svavarsdóttur heilbrigðisráðherra í gærkvöldi.

Sýnt var beint frá fundinum á Vísi, sem og á sjónvarpsstöðinni Stöð 2 Vísi. Þá var einnig sent beint frá fundinum á Bylgjunni.

Uppfært: Hér að neðan má sjá upptöku frá fundinum í heild sinni ásamt beinni textalýsingu.


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Velkomin á Vísi. Þessi vefur notar vafrakökur. Sjá nánar.