Menning

Sigur­jón Sig­hvats­son skipaður for­maður kvik­mynda­ráðs

Sylvía Hall skrifar
Sigurjón Sighvatsson er formaður kvikmyndaráðs.
Sigurjón Sighvatsson er formaður kvikmyndaráðs. Vísir/Stöð 2

Kvikmyndaframleiðandinn Sigurjón Sighvatsson hefur verið skipaður formaður kvikmyndaráðs til þriggja ára. Kvikmyndaráð starfar eftir kvikmyndalögum og veitir stjórnvöldum og Kvikmyndamiðstöð Íslands ráðgjöf um málefni kvikmynda og tekur þátt stefnumótun á því sviði.

Menntamálaráðherra skipar formann og aðra meðlimi ráðsins og hafa sjö aðrir verið skipaðir samkvæmt tilnefningu.

Í fréttatilkynningu er haft eftir Lilju Alfreðsdóttur, mennta- og menningarmálaráðherra, að kvikmyndagerð standi á tímamótum. Atvinnugreinin hér á landi standist fyllilega alþjóðlegan samanburð.

„Árangurinn er staðfestur með vaxandi fjölda tilnefninga og þátttöku íslenskra kvikmynda á virtum hátíðum um allan heim. Fleiri íslenskir leikstjórar og höfundar feta inn á nýjar og ótroðnar slóðir og okkur er ljúft og skylt að tryggja bestu mögulegu aðstæður fyrir íslenska kvikmyndagerð til að vaxa og dafna.“

Aðrir meðlimir kvikmyndaráðs eru eftirtaldir:

Margrét Örnólfsdóttir, varaformaður - tilnefnd af Félagi leikskálda og handritshöfunda

Anna Þóra Steinþórsdóttir - tilnefnd af Félagi kvikmyndagerðarmanna

Lilja Ósk Snorradóttir - tilnefnd af Framleiðendafélaginu – SÍK

Ragnar Bragason - tilnefndur af Samtökum kvikmyndaleikstjóra

Lilja Ósk Diðriksdóttir - tilnefnd af Félagi kvikmyndahúsaeigenda

Bergsteinn Björgúlfsson - tilnefndur af Bandalagi íslenskra listamanna

Birna Hafstein - tilnefnd af Félagi íslenskra leikara

Varamenn:

Auður Edda Jökulsdóttir - skipuð án tilnefningar

Elva Sara Ingvarsdóttir - tilnefnd af Félagi kvikmyndagerðarmanna

Kristinn Þórðarson - tilnefndur af Framleiðendafélaginu – SÍK

Ása Helga Hjörleifsdóttir - tilnefnd af Samtökum kvikmyndaleikstjóra

Þorvaldur Árnason - tilnefndur af Félagi kvikmyndahúsaeigenda

Sigríður Rósa Bjarnadóttir - tilnefnd af Bandalagi íslenskra listamanna

Hjálmar Hjálmarsson - tilnefndur af Félagi íslenskra leikara

Huldar Breiðfjörð - tilnefndur af Félagi leikskálda og handritshöfunda






Fleiri fréttir

Sjá meira


×