Karlmaður fannst látinn í bíl sínum í miðbæ Ísafjarðarbæjar í gær. Andlátið er til rannsóknar hjá Lögreglunni á Vestfjörðum en að sögn lögreglunnar bendir ekkert til að andlátið hafi borið að með saknæmum hætti.

Hlynur Hafberg Snorrason, yfirlögregluþjónn hjá lögreglunni á Vestfjörðum staðfesti þetta í samtali við Fréttablaðið en fréttastofa Vísis hefur ekki náð sambandi við lögregluna vegna málsins. Lögreglunni barst tilkynning um manninn um miðjan daginn í gær.