Enn einn stórsigur City á heimavelli | Úlfunum fatast flugið

Ísak Hallmundarson skrifar
City menn fagna gegn Arsenal í síðasta mánuði.
City menn fagna gegn Arsenal í síðasta mánuði. vísir/getty

Manchester City vann enn einn stórsigurinn þegar liðið lagði Newcastle 5-0 á heimavelli í kvöld. Wolves er að missa af Meistaradeildarlestinni en liðið tapaði 1-0 á útivelli gegn Sheffield United.

Gabriel Jesus kom City yfir á 10. mínútu og Riyad Mahrez jók forskotið á 21. mínútu eftir undirbúning frá Kevin de Bruyne. Staðan í hálfleik 2-0.

Þriðja mark City var skrautlegt, Matt Ritchie, leikmaður Newcastle, skoraði með glæsilegri afgreiðslu en eini gallinn var sá að það var í vitlaust mark, en hann ætlaði líklega að hreinsa boltann frá marki Newcastle. Fjórða mark City var afar laglegt, David Silva skoraði beint úr aukaspyrnu í nærhornið með vinstri fætinum góða, fullkomlega hittur bolti. Raheem Sterling kórónaði síðan sigurinn í uppbótartíma og lokatölur 5-0 fyrir City, sem enn eina ferðina vinna stórt á heimavelli.

City áfram í öðru sæti með 69 stig en Newcastle í 13. sæti með 43 stig. 

Sheffield United vann góðan sigur á Úlfunum en John Egan skoraði eina markið í 1-0 sigri í uppbótartíma. Sheffield fer upp fyrir Arsenal og í 7. sætið með 51 stig, aðeins stigi á eftir Wolves.

Að lokum vann Burnley 1-0 útisigur á West Ham en sigurmarkið skoraði Jay Rodriguez á 38. mínútu. Jóhann Berg Guðmundsson kom ekki við sögu í leiknum.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.