Slökkvilið kallað aftur að Hafnarstræti vegna elds

Hallgerður Kolbrún E. Jónsdóttir skrifar 21. maí 2020 11:24

Til stendur að rífa húsið á næstu dögum. Vísir

Slökkvilið Akureyrar var kallað aftur að húsi við Hafnarstræti á Akureyri í morgun þegar eldur blossaði þar upp á ný að sögn Rolfs Tryggvasonar hjá slökkviliði Akureyrar.

Eldur kviknaði í húsinu á þriðjudagskvöld og er einn í alvarlegu ástandi eftir að hafa verið bjargað úr logandi húsinu. Hann var fluttur með sjúkraflugi til Reykjavíkur

Aftur kviknaði út frá glæðum í húsinu um klukkan tíu í morgun og tókst að slökkva eldinn um tuttugu mínútum seinna. Til stendur að rífa húsið á næstu dögum að sögn Rolfs.

Akureyri Slökkvilið

Tengdar fréttir

Fluttur með sjúkraflugi til Reykjavíkur

Lögregla og slökkvilið á Akureyri vakta enn vettvang brunans við Hafnarstræti 37 á Akureyri.

20. maí 2020 07:21

Einn í alvarlegu ástandi eftir bruna á Akureyri

Allt tiltækt slökkvilið Akureyrar var kallað út á áttunda tímanum í kvöld þegar eldur kom upp í þriggja hæða íbúðarhúsi.

19. maí 2020 20:35

Fjöldi áhorfenda truflaði baráttuna við eldinn

Slökkviliðið á Akureyri afhenti lögreglu brunavettvang til rannsóknar í morgun eftir að hafa vaktað íbúðarhús í alla nótt en það stóð í ljósum logum í gærkvöldi. Ekki er vitað hvernig eldurinn kviknaði en von er á rannsakendum frá Reykjavík nú síðdegis.

20. maí 2020 12:54