Togarinn sem sökk heitir Hallgrímur SI-77

Búið er að greina frá nafni skipsins sem sökk í Noregi í fjölmiðlum þar í landi. Togarinn heitir Hallgrímur SI-77 og er frá Siglufirði. Búið er að ná í alla aðstandendur mannanna sem voru um borð í togaranum. Eins og greint hefur verið frá þá hefur einum manni verið bjargað. Hann var fluttur til Álasunds og er ástand hans gott.

Aðstæður fyrir björgunarmenn eru verulega krefjandi samkvæmt norska ríkissjónvarpinu, NRK.

Það tekur þyrlu eina klukkustund að komast á staðinn. Þyrlurnar hafa því ekki mikið eldsneyti til þess að leita sjómannanna.

„Þetta er hræðilega langt úti á sjó," sagði Anders Bang-Andersen, sem samræmir björgunaraðgerðir, í viðtali við NRK.

Veðrið er einnig kolvitlaust á svæðinu og byrjað að dimma sem gerir björgunarmönnum afar erfitt fyrir.

Herflugvél flýgur nú yfir svæðið. Hún er með hitamyndavél og auðveldar því björgunarmönnum talsvert leitina.

Aðstandendum skipverja er bent á að opið hús hjá Rauða Krossinum í Efstaleiti 9.

Þangað geta þeir farið og fengið upplýsingar og beðið á meðan leitaraðgerðir standa yfir. Þá geta aðstandendur einnig hringt í síma 1717 hjá Rauða krossinum.