Pato er ekki að koma til Liverpool

Jürgen Klopp, stjóri Liverpool, segir ekkert hæft í þeim sögusögnum að félagið sé á eftir Brasilíumanninum Alexandre Pato.

Enskir fjölmiðlar hafa verið að slá því upp að Klopp vilji fá Pato en hann er að spila í heimalandi sínu.

„Ég tala ekki um leikmenn sem ég er að reyna að kaupa en mín ráðlegging til ykkar er að hætta að feta þessa slóð með Pato,“ sagði Klopp við fjölmiðlamenn.

Klopp er talinn líklegur til þess að kaupa einhvern í janúar en Pato er augljóslega ekki einn þeirra.

Liverpool er að undirbúa sig fyrir leik gegn Arsenal á miðvikudag.