Fréttir Stöðvar 2 í beinni útsendingu

Samgönguráðherra mun á næstu dögum kynna áform um nýja flugstöð fyrir innanlandsflug í Vatnsmýri þrátt fyrir áætlanir borgarinnar um að flugvöllurinn fari árið 2022. Nefnd sem fjallað hefur um málið segir fjárfestinguna ekki glatast fari flugvöllurinn. Fjallað verður um málið í kvöldfréttatíma Stöðvar 2 og hugmyndin kynnt á myndrænan hátt.

Einnig verður rætt við oddvitana fjóra sem nú eru í formlegum viðræðum um meirihluta í borginni en þeir boða breyttar áherslur í ýmsum málum, sérstaklega hvað varðar þjónustu við borgarbúa og fyrirtæki.

Við fáum að vita niðurstöður nýrrar erfðarannsóknar sem sýnir að Norrænir menn hafi verið 57% landnámsmanna Íslands en 43% af keltneskum uppruna. Við kynnum okkur H-daginn en fimmtíu ár eru síðan hægri umferð var tekin upp á Íslandi, heyrum af skattadrottningu Íslands árið 2018 og hittum stuðningsmannaliðið Tólfuna sem frumsýnir nýja takta fyrir HM í sumar.

Allt þetta og meira til í kvöldfréttum Stöðvar 2 í opinni dagskrá og í beinni útsendingu á Stöð 2 og Bylgjunni.