Kæru MP Banka vísað frá

Áfrýjunarnefnd samkeppnismála hefur staðfest úrskurð Samkeppniseftirlitsins um að heimila samruna Íslandsbanka og Byrs. MP banki kærði á sínum tíma ákvörðunina og krafðist þess að hún yrði felld úr gildi.

Í úrskurði Samkeppniseftirlitsins frá því í október kom fram að sterkar vísbendingar væru um að samruninn myndi auka skaðlega fákeppni. Hins vegar ylli alvarleg staða Byrs því að ástæða væri til þess að heimila samrunann með vísan til reglna samkeppnisréttar um fyrirtæki á fallanda fæti. Taldi eftirlitið að raunhæfir möguleikar á annarri sölu en til Íslandsbanka hefðu ekki verið fyrir hendi.- mþl