Þór úr viðgerð í byrjun apríl

Viðgerðir Rolls Royce á vélum varðskipsins Þórs eru á áætlun, að því er fram kemur á vef Landhelgisgæslunnar. Skipið er í viðgerð í Noregi.

„Gert er ráð fyrir að skipið verði tilbúið til afhendingar að nýju eftir vélaskipti, prófanir og úttektir flokkunarfélags í byrjun apríl,“ segir á vefnum.

Fram kemur að viðgerðirnar séu alfarið á ábyrgð framleiðanda vélanna, Rolls Royce, og muni Landhelgisgæslan ekki bera nokkurn kostnað af framkvæmdunum. „Ábyrgðartími véla og skips lengist sem nemur framkvæmdatíma vegna þessa.“

- óká