Skandia byrjað að dæla sandi úr Landeyjahöfn

Dæluskipið Skandia byrjaði í gær að dæla sandi frá mynni Landeyjahafnar, eftir viðamiklar viðgerðir á skipinu efitir að það lenti utan í hafnargarði í höfninni fyrir nokkrum vikum og laskaðist.

Mikill sandur er á svæðinu og kemst skipið ekki inn eða út úr höfninni nema á háflóði. Veðurhorfur er nokkuð góðar næstu dagana þannig að útlit er fyrir að dæling geti gengið vel, en á þessari stundu er með öllu óljóst hvenær Herjólfur getur aftur farið að sigla þangað.

Verið er að kanna nýja útfærslu á dælingunni, sem gæti aukið afköst og gert Skandíu kleift að dæla í verra veðri en hingað til.