Jóhanna sendir samúðarkveðjur til Belgíu

Forsætisráðherra sendi í gær forsætisráðherra Belgíu, Elio Di Rupo, samúðarkveðjur til belgísku þjóðarinnar, fjölskyldna og aðstandenda þeirra sem fórust í hörmulegu rútuslysi í Sviss á þriðjudag.

22 börn létust í bílslysinu fyrr í vikunni. Alls létust 28 manns. Rútan, sem var full af belgískum farþegum á leið heim frá skíðafríi, keyrði á vegg í undirgöngum hraðbrautar í Valais kantónunni í suðurhluta Sviss með fyrrgreindum afleiðingum.

Margir þeirra sem lifðu af slysið eru illa slasaðir og voru þeir fluttir með þyrlum á nærliggjandi sjúkrahús. Flestir farþeganna voru 12 ára gamlir nemendur.