Lífið samstarf

Jólagjöfin handa gæludýrinu – Bleikt kvöld í Gæludýr.is

Gæludýr.is kynnir
Besti vinur mannsins hlýtur að eiga skilið pakka á jólunum.
Besti vinur mannsins hlýtur að eiga skilið pakka á jólunum. nordic photos getty
Meirihluti gæludýra fær jólagjafir í dag og ekki bara frá eigendum sínum. Fólk trúir því ekki hversu margir koma til okkar að leita að gjöf handa gæludýri, ömmur og afar og frændur og frænkur, sem vilja passa upp á að allir fái pakka í fjölskyldunni,“ segir Ingibjörg Salóme Sigurðardóttir, eigandi verslunarinnar Gæludýr.is á Smáratorgi.

Sérstök kvöldopnun verður í búðinni á fimmtudagskvöldið 31. október þar sem frábært tækifæri gefst til að gera góð kaup.

 „Við verðum með okkar árlega Bleika kvöld með tilboð, uppákomur og kynningar á vörum. Það verður 20% afsláttur af öllu í búðinni, nema fóðri, og allt að 40% afsláttur af völdum vörum. Við fáum birgja í heimsókn sem kynna fóður og veita ráðgjöf, drögum í happdrætti um glæsilega vinninga. Einnig verður boðið upp á fría klóaklippingu á snyrtistofunni og þá mæta fulltrúar Dýrahjálpar Íslands og Villikatta og kynna sína starfsemi og við fáum hundaþjálfara á staðinn. Léttar veitingar verða í boði fyrir bæði menn og dýr, freyðivín og fleira gott.“

Hvernig velur maður jólagjöf handa dýri sem maður þekkir kannski lítið? „Litlir gjafapakkar sem innihalda leikföng og gotterí  eru vinsælastir en fyrir þá sem koma inn í gæludýraverslun einu sinni á ári er langbest að leita til starfsfólks og fá ráð. Við skoðum hverskonar dýr um ræðir og hvað hentar, stóri dan og chihuahua leika sér til dæmis ekki með sömu leikföng,“ útskýrir Ingibjörg. Starfsfólk verslunarinnar búi yfir mikilli reynslu af gæludýrahaldi og leggi metnað í að finna réttu gjöfina.

Jóladagatal fyrir dýrin

Þá verða jólavörurnar komnar í hús, allskonar tuskudýr og jólaólar með bjöllum, hreindýrahorn og jólasveinaföt á dýrin. Ingibjörg segir sérstök Jóladagatöl fyrir gæludýrin alltaf slá í gegn.  „Við verðum með jóladagatölin fyrir hunda og ketti núna þriðja árið í röð. Þau eru alltaf vinsæl. Krökkum finnst oft mun meira spennandi að opna hundadagatalið heima og gefa hundinum bita en að opna sitt eigið dagatal,“ segir hún.

Bleika kvöldið hefst klukkan 19 og stendur til klukka 20.30 í versluninni Gæludýr.is á Smáratorgi.

Hér fyrir neðan má sjá fleiri myndir af skemmtilegum vörum fyrir gæludýrin.

Þessi kynning er unnin í samstarfi við Gæludýr.is






Fleiri fréttir

Sjá meira


×