Innlent

Stöðvuðu öku­mann og komu upp um um­fangs­mikla kanna­bis­ræktun

Sylvía Hall skrifar
Á heimili mannsins fundust 525 kannabisplöntur. Myndin er úr safni.
Á heimili mannsins fundust 525 kannabisplöntur. Myndin er úr safni. Fréttablaðið/Stefán

Lögreglan á Suðurlandi stöðvaði í gær ökumann fólksbifreiðar í því skyni að kanna ástand hans og ökuréttindi. Þegar maðurinn var stöðvaður fundu lögreglumenn mikla kannabislykt af ökumanninum og játaði hann að vera undir áhrifum kannabisefna.

Í kjölfarið fóru lögreglumenn með manninn að heimili hans og mætti þeim kannabislykt enn og aftur. Maðurinn gaf lögreglumönnum leyfi fyrir húsleit og framvísaði nokkru magni af kannabisefnum.

Við frekari leit á heimili mannsins fundu lögreglumenn kannabisræktun í kjallara hússins, nánar tiltekið 525 kannabisplöntur á mismunandi ræktunarstigum og var aðstaðan til ræktunarinnar vel útbúin. Þá kom jafnframt í ljós að rafmagn hafði verið leitt fram hjá rafmagnsmæli.

Samkvæmt færslu lögreglunnar á Suðurlandi telst málið upplýst og á maðurinn von á ákæru fyrir akstur undir áhrifum ólöglegra ávana- og fíkniefna, vörslu fíkniefna, framleiðslu kannabisefna, rof á innsigli rafmagnsmælis og þjófnaði á orku.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.