Meistaradeildin fjarlægur draumur fyrir Jón Guðna og félaga

Ingvi Þór Sæmundsson skrifar
Jón Guðni lék allan leikinn í vörn Krasnodar.
Jón Guðni lék allan leikinn í vörn Krasnodar. vísir/getty
Draumur Jóns Guðna Fjólusonar og félaga í Krasnodar um að komast í riðlakeppni Meistaradeildar Evrópu er afar fjarlægur eftir 4-0 tap fyrir Olympiacos í fyrri leik liðanna í umspili í kvöld.

Jón Guðni var í byrjunarliði Krasnodar og lék allan leikinn.

Miguel Guerrero kom Olympiacos yfir eftir hálftíma leik. Á 78. mínútu bætti Serbinn Lazar Randjelovic öðru marki við. Hann fékk þá boltann frá Frakkanum reynslumikla, Mathieu Valbuena, og skoraði með skoti sem hafði viðkomu í Jóni Guðna á leiðinni í markið.

Randjelovic skoraði annað mark sitt og þriðja mark Olympiacos með góðu skoti utan vítateigs á 85. mínútu. Fjórum mínútum síðar skoraði Daniel Podence fjórða markið og stórsigur Olympiacos staðreynd.

Seinni leikurinn fer fram á heimavelli Krasnodar næsta þriðjudag.

Dinamo Zagreb er í góðum málum eftir 2-0 sigur á Rosenborg á heimavelli og Young Boys og Rauða stjarnan skildu jöfn, 2-2.

Bein lýsing

Leikirnir






    Fleiri fréttir

    Sjá meira