Ágústspá Siggu Kling - Vatnsberinn: Þú ert með góð spil í hendi

Elsku Vatnsberinn minn, þú ert svo glimrandi áhugaverður og mikið efni í góðan þjálfara, átt svo gott með að leiðbeina öðrum og koma þeim í gírinn og það eru svo margir sem eiga þér margt að þakka því þú hefur svo fallegt afl til að gefa öðrum skilyrðislaust af þér.

Í þessum mánuði muntu ýta af stað því sem þér finnst að hafi staðið kyrrt og þegar þú hreyfir þannig við lífinu þá verður bylgja eins og þegar þú ýtir fyrsta dómínókubbnum þá hefur það áhrif á alla hina – þannig gerist allt.

Þú fréttir af leiðinlegum vandamálum sem tengjast inn í fjölskyldu þína, í því tilviki geturðu ekkert annað gert en að standa með þeim sem þú elskar, en þú þarft að taka afstöðu; með eða á móti og vera skýr í því hvernig þú vilt að hlutirnir séu.

Þú ert með ótrúlega góð spil í hendi, en þú þarft setja upp pókerandlitið svo aðrir geti ekki reiknað út þitt næsta skref og þetta gerir þú svo listavel og verður svo aflsappaður á þessum tíma, þú finnur á þér þú getur það sem þú ætlar þér.

Ástin er tær og sönn þegar þú finnur þú getur látið við gyðjuna eða goðið þitt eins og við besta vin þinn, en ef leikir, stress og kvíði tengjast þeim sem þú hrífst af þá er það tóm vitleysa og á ekkert slíkt skylt við ástina.

Þú hefur svo hreina og tæra sál og leggur yfirleitt öll spil á borðið, en núna á þessum tíma sem er að heilsa þér skaltu hugsa vel um hvernig þú ætlar að spila út þessum stórkostlegu spilum sem þér hafa verið gefin og hverjum þú ætlar að sýna þau?

Knús og kossar, Sigga Kling

Vatnsberi 20. janúar - 18. febrúar

Laddi, 20. janúar Geir Sveinsson handknattleiksþjálfari, 27. janúar 

Yoko Ono, listamaður, 18. febrúar 

Bjarni Benediktsson, fjármála- og efnahagsráðherra, 26. janúar 

Katrín Jakobsdóttir, forsætisráðherra, 1. febrúar 

Hilmir Snær Guðnason leikari, 24. janúar 

Rikka fjölmiðlakona, 29. janúar 

Þóra Arnórsdóttir, fjölmiðlakona, 18. febrúar 

Andrea Röfn Jónasdóttir, fyrirsæta, 15. febrúar 

Auðunn Lúthersson, tónlistarmaðurinn Auður, 9. febrúar

Harry Styles, söngvari, 1. febrúar

Ellen DeGeneres, spjallþáttadrottning, 26. janúar

Ed Sheeran, söngvari, 17. febrúar

Justin Timberlake, söng- og leikari, 31. janúar