Línubátur í togi til lands eftir að bilun kom upp í stýrisbúnaði
Bilun kom upp í stýrisbúnaði 15 tonna línubáts norður af Hornströndum rétt um klukkan 19 í kvöld. Áhöfnin átti því erfitt með að stýra bátnum, sem gerður er út frá Bolungarvík, og var því kallað eftir aðstoð björgunarsveita.
Björgunarskipið Gísli Jóns frá Ísafirði hélt út til móts við línubátinn sem sigldi fyrir eigin vélarafli til móts við björgunarskipið.
Bátarnir mættust í Aðalvík um klukkan hálf níu í kvöld og er línubáturinn kominn í tog er nú haldið til Bolungarvíkur. Engin slys urðu á fólki.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
