Innlent

Jarðskjálfti skammt frá Landmannalaugum

Vésteinn Örn Pétursson skrifar
Landmannalaugar.
Landmannalaugar. Viktor Einar
Jarðskjálfti af stærðinni 3,2 varð á sjötta tímanum í dag tæplega 12 kílómetra vestsuðvestur af Landmannalaugum. Þetta kemur fram á vef Veðurstofunnar.



Upptök skjálftans eru í vestanverðri Torfajökulsöskju, en nokkrir minni eftirskjálftar hafa einnig mælst á svæðinu.



Síðast urðu skjálftar af þessari stærð á svæðinu í janúar 2019 og ágúst 2018.



Veðurstofunni hafa ekki borist tilkynningar um að fólk hafi fundið fyrir skjálftanum, en þó er ekki útilokað að ferðafólk í grenndinni hafi orðið vart við hann.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.