Lífið

Júlíspá Siggu Kling - Hrúturinn: Segðu já og prófaðu eitthvað nýtt

Sigga Kling skrifar
Elsku Hrúturinn minn, þú ert að fara inn í fjörugt tímabil þar sem lífið gerist hratt, þótt þú sért ekkert að skipuleggja neitt sérstakt, nema að vera til og elska sumarið. Þú þrífst langbest á því að hafa mikið fyrir stafni og þar af leiðandi nýtur þú þín best yfir vetrartímann, en það er eins og það séu einhverjir töfrar yfir þessu sumri sem gefa þér kraft til að sjá aðeins lengra fram í tímann. Það er hreinlega eins og lukkan sé að leiða þig áfram.



Það er búið að vera mikið álag á þér og það er vegna þess að þú þarft að taka ákvarðanir, annað hvort ég ætla að gera þetta eða ég ætla ekki að gera það. Þetta tengist verkefnum, heimili og ástinni, svo það er allt að gerast, en þú þarft að berjast fyrir þá sem þú elskar og styrkja fjölskylduna eins vel og þú getur.



Ef þú tekur ekki ákvörðun um hvað þú vilt þá fyllistu þunga og þreytu og það fer þér svo sannarlega ekki vel hjartað mitt. Þegar haustið mætir þér sérðu að allt hefur smollið saman og kraftur þinn eykst. Það er svo margt í þínu fari sem segir að þú eigir að vera sjálfstæðari og getir búið þér miklu magnaðri og sterkari lífsveg en þú hefur ímyndað þér, en þú verður að gera allt sjálfur og alls ekki bíða eftir því að einhver geri eitthvað fyrir þig, því þá gerist ekkert.



Inn í líf þitt eru að koma áhugaverðar og óvenjulegar persónur og til þess að opna fyrir þessu skemmtilega fólki þarftu að segja já og prófa eitthvað nýtt því það sviptir þér upp úr gömlu hjólförunum sem þú nennir ekki að vera í hvort sem er. Þú ert að taka skrefið að nýjum lífsstíl og verður svo hamingjusamur og glaður að sjá þú ert með X-Factorinn sem þarf til þess að láta ljós þitt skína.



Knús og kveðja, þín Sigga Kling

Vigdís, Salka, Victoria, Gaga, Kári og Björgvin.Vísir/Getty/FBL

Hrútur 22. mars - 19. apríl

Hera Björk Þórhallsdóttir söngkona, 29. mars 

Björgvin Halldórsson söngvari, 16. apríl 

Kári Stefánsson vísindamaður, 6. apríl 

Vigdís Finnbogadóttir, fyrrverandi forseti, 15. apríl 

Anna Svava Knútsdóttir leikkona, 31. mars 

Elton John söngvari, 25. mars 

Salka Sól , 18. apríl 

Berglind Pétursdóttir festival, 2. apríl 

Bríet Ísis, tónlistarkona, 22. mars 

Lady Gaga, söng- og leikkona, 28. mars 

Aretha Franklin, söngkona, 25. mars 

Victoria Beckham, kryddpía, 17. apríl 

Leonardo da Vinci, listamaður, 15. apríl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.