Ítalía afgreiddi Kína og er komið í átta liða úrslitin

Anton Ingi Leifsson skrifar
Þær ítölsku fagna í dag.
Þær ítölsku fagna í dag. vísir/getty
Ítalía er komið í átta liða úrslitin á HM kvenna sem fer fram í Frakklandi um þessar mundir eftir 2-0 sigur á Kína í Montpellier í dag.

Valentina Giacinti kom Ítalíu yfir strax á fimmtándu mínútu eftir sofandi hátt í vörn Kína. Eftir skot Elisa Bartoli, barst boltinn út í teiginn þar sem Giacinti kláraði færið vel.

Aurora Galli var skipt inn á í rétt fyrir hálfleik eftir að Christiana Girelli meiddist. Galli hafði áður í mótinu komið inn á og skorað og það endurtók hún í dag.

Hún tvöfaldaði forystu Ítalíu á fjórðu mínútu síðari hálfleiks er hún þrumaði boltanum í netið af löngu færi. Frábært skot sem skaut Ítölunum áfram.







Ítalía er því komið áfram í átta liða úrslitin en mótherji liðsins í átta liða úrslitunum verður annað hvort Evrópumeistarar Hollands eða Japan.

Bein lýsing

Leikirnir






    Fleiri fréttir

    Sjá meira