Innlent

Tuttugu stig í dag og yfir tuttugu stig á morgun

Birgir Olgeirsson skrifar
Með hæðasvæðinu fylgja þokubakkar með ströndinni, sérstaklega Norðan- og Vestanlands, en sólin mun líklega ná að bræða þá af sér yfir daginn.
Með hæðasvæðinu fylgja þokubakkar með ströndinni, sérstaklega Norðan- og Vestanlands, en sólin mun líklega ná að bræða þá af sér yfir daginn. Vísir/Vilhelm

Víðáttumikið hæðasvæði ræður ríkjum yfir Íslandi og er því frekar hægur vindur og víða bjart í veðri í dag. Þetta kemur fram í hugleiðingu veðurfræðings en þar segir að sá galli sé á gjöf Njarðar að með hæðasvæðinu fylgja þokubakkar með ströndinni, sérstaklega Norðan- og Vestanlands, en sólin mun líklega ná að bræða þá af sér yfir daginn.

Á morgun snýst í norðvestlæga átt og þykknar upp um landið norðanvert með lítils háttar rigningu NA-til annað kvöld, en þar styttir þó upp á fimmtudaginn. Á morgun stefnir í hlýnandi veður um landið sunnanvert og líkur á að hæstu hitatölur fari yfir 20 stig.

Annars eru norðlægar áttir ríkjandi næstu daga með lítils háttar vætu A-til á landinu, en lengst af bjart með köflum annars staðar og frekar hlýtt í veðri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.