Lífið

Sumarspá Siggu Kling – Steingeitin: Sannleikurinn er að koma í ljós

Sigga Kling skrifar

Elsku Steingeitin mín, lífið er gert til þess að njóta og er ferðalag, þú ákveður áður en þú fæðist á þessa jörð hvar og hvenær þú fæðist og svolitla beinagrind um hvað þú ætlar að gera. Alveg eins og þegar þú ert að fara eitthvað þá ákveður þú fyrst hvert þú ætlar að fara og hvað þú ætlar að gera og alveg sama hvert þú ferð þá ætlarðu að hafa gaman að því, og það er ákvörðun. Þótt þú sért að leysa erfið verkefni, skaltu klára þau. Þú skalt vera fylginn þér og setja ekki út á aðra, heldur einblína á að hafa gaman að hverju verkefni fyrir sig.

Ekki hugsa of langt fram í tímann því þá nýturðu ekki augnabliksins, sem er það eina sem þú hefur, láttu það skipta þig öllu máli á næstu mánuðum að hjálpa öðrum og gera líf annarra léttara, því í hvert skipti sem þú gerir eitthvað fyrir aðra manneskju mun alheimurinn senda þér ávísun á betra líf og líðan.

Það er til fólk sem er sífellt að blása á annarra manna kerti til þess að þeirra ljós skíni skærar, þér finnst nefnilega fólk ekki alltaf sanngjarnt við þig og það sendi inn í líf þitt leiðindi, en það er út af því að manneskjurnar eru að upphefja sig sjálft á kostnað annara – Láttu ekki orð annarra vera álög þín.

Sannleikurinn er að koma í ljós og hann er þér vinveittur, það er eins og þú sért að öðlast nýja háskólagráðu svo þú skalt gera þig tilbúna til að fagna. Þann einstaka hæfileika sem þú hefur til að tjá þig skaltu gefa lausan tauminn, láttu vaða og blandaðu húmornum eins mikið inn og þú getur.

Þetta sumar gefur þér svo mikla ást á lífinu og þú verður svo þakklát fyrir hver þú ert, fólk vill semja við þig og þú getur verið hörð í samningum, svo gefðu þér tíma til þess. Ástin mun taka áhættu á þér, svo elskaðu af öllum krafti, þetta sumar er þitt.

Kossar og knús, Sigga Kling.

Steingeit 22. desember - 19. janúar

Svava Johansen í Sautján, 7. janúar 
Ingibjörg Sólrún Gísladóttir, 31. desember 
Davíð Oddsson, ritstjóri Morgunblaðsins 17. janúar 
Jón Gnarr, listamaður, 2. janúar 
Tómas Guðbjartsson læknahetja, 11. janúar 
Dorrit Moussaieff forsetafrú, 12. janúar 
Stefán Jakobsson, tónlistarmaður, 14. janúar 
Þuríður Blær Jóhannsdóttir, leikkona og Reykjavíkurdóttir, 16. janúar 
Jóhann K. Jóhannsson fréttamaður. 9. janúar 
Guðrún Ýr Eyfjörð, tónlistarkonan GDRN, 8. janúar 
Edda Andrésdóttir, fréttaþulur, 28. desember 
Michelle Obama, forsetafrú, 17. janúar 
Aron Már Ólafsson, Aron Mola, 12. janúar



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.