Innlent

Farið að sjá fyrir endann á kuldanum sem hrellt hefur landann

Atli Ísleifsson skrifar
Spáð er norðvestan vindi, þrír til átta metrar á sekúndu í dag, en átta til þretttán metrar norðaustantil.
Spáð er norðvestan vindi, þrír til átta metrar á sekúndu í dag, en átta til þretttán metrar norðaustantil. vísir/vilhelm

Loksins er farið að sjá fyrir endann á kuldanum sem hrellt hefur landann að undanförnu, þótt íbúar sunnan heiða hafi sloppið mun betur en þeir sem búa um landið norðanvert.

Þetta kemur fram í hugleiðingum veðurfræðings á vef Veðurstofunnar. Þar segir að þrátt fyrir kuldann hafi úrkoma verið minni en efni stóðu til og ætti snjó, þar sem hann sé á annað borð að finna, að taka fljótt upp eftir helgi.

Útlit sé fyrir fremur hlýja viku og lengst af bjart og gott veður norðantil, en fremur þungbúið syðra og væta af og til, einkum þó á mánudag.

Spáð er norðvestan vindi, þrír til átta metrar á sekúndu í dag, en átta til þretttán metrar norðaustantil. Dálítil él norðanlands, en þurrt og bjart syðra. 

„Hiti frá frostmarki í innsveitum fyrir norðan, upp í 8 stig á Suðurlandi. Líkur á næturfrosti í flestum landshlutum. Vaxandi A-átt á morgun, 13-20 S-til og rigning annað kvöld, hvassast við S-ströndina. Mun hægari og þurrt fyrir norðan. Hægt hlýnandi veður,“ segir á vef Veðurstofunnar.

Veðurhorfur á landinu næstu daga

Á mánudag: Suðaustan 8-15 m/s og rigning, en úrkomulítið NA-lands. Hægari og styttir upp um kvöldið. Hiti 7 til 14 stig. 

Á þriðjudag og miðvikudag: Sunnan og suðaustan 8-13 m/s, skýjað og dálítil rigning öðru hverju S- og V-lands. Hægari vindur á N- og A-landi, skýjað með köflum og þurrt. Hiti 10 til 18 stig, hlýjast um landið NA-vert.

Á fimmtudag og föstudag: Suðlæg átt og bjartviðri N- og A-lands, en skýjað og stöku skúrir annars staðar. Hiti breytist lítið.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.