Innlent

Óvelkominn maður ógnaði húsráðendum með hafnaboltakylfu

Birgir Olgeirsson skrifar
Lögreglu hafði í ýmsu að snúast í nótt.
Lögreglu hafði í ýmsu að snúast í nótt. Vísir/Vilhelm

Húsráðendur í Hafnarfirði óskuðu eftir aðstoð lögreglu um miðnætti vegna óvelkomins manns í íbúð þeirra. Maðurinn, sem var í mjög annarlegu ástandi, neitaði að fara og ógnaði húsráðendum með hafnaboltakylfu. Var hann handtekinn og vistaður í fangageymslu.

Þetta kemur fram í dagbók lögreglunnar en þar segir að lögreglu hafi einnig borist tilkynning á sjöunda tímanum í gærkvöldi vegna þjófnaðar úr starfsmannaaðstöðu opinberrar stofnunar í hverfi 103. Mikið af alls kyns munum stolið. Hinn grunaði var handtekinn síðar og þýfið endurheimtist. Var maðurinn vistaður í fangageymslu lögreglu en hann verður yfirheyrður í dag.

Tilkynnt var um búðarhnupl í hverfi 101 en þar var matvöru stolið. Var málið afgreitt á vettvangi og sakborningur laus að því loknu.

6 ökumenn voru handteknir grunaðir um akstur undir áhrifum áfengis / fíkniefna. Allir nema einn voru látnir lausir eftir sýnatöku. Þessi eini var ofurölvi og varð að vista í fangageymslu þar til ástand hans lagast.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.