Hafa skorað 293 mörk og ekki fengið neitt á sig

Það er óhætt að segja að kvennalið Benfica sé óstöðvandi í heimalandinu.

Benfica er að tefla fram kvennaliði í fyrsta sinn og ákvað að bjóða upp á alvöru lið þó svo það þurfi að byrja í 2. deild. Fyrsti leikurinn gaf tóninn fyrir það sem koma skildi því Benfica-stelpurnar unnu fyrsta leikinn 28-0 gegn Ponte de Frielas.

Það var stærsti sigur í deildarkeppni í Portúgal. Gamla metið var 21-0. Það met var svo slegið fyrir þremur dögum síðan er liðið vann 32-0.

Stelpurnar hafa svo bara haldið áfram á sömu braut og eftir 16 leiki í öllum keppnum hefur liðið skorað 293 mörk og ekki fengið eitt einasta á sig. Það gera ekki nema rúm 18 mörk í leik. Bara í deildinni er liðið búið að skora 257 mörk í fjórtán leikjum.

Það má því fastlega búast við því að liðið sé á leið upp í úrvalsdeild.

Hér að neðan má sjá markasúpuna ótrúlegu úr síðasta leik liðsins.

Including 32 goals in one game

( via @SLBenfica)pic.twitter.com/83gP88dPC1

— B/R Football (@brfootball) January 29, 2019