Róbert og Ksenia trúlofaðu sig inni í Þríhnúkagíg síðastliðið haust og nú er fjölskyldan orðin þriggja manna.
„Það gleður okkur að geta tilkynnt að sonur okkar Robert Ace Westmann fæddist þann 27. mars. Hann var 3,5 kíló og 53 centímetrar,“ segir Róbert.
„Hann hefur nú þegar fyllt hjörtu okkar af ást og hamingju. Þessi drengur er gjöf að himnum ofan og algjör spaðaás.“
Róbert hefur verið fyrirferðarmikill í íslensku viðskiptalífi í mörg ár og er hann í dag forstjóri lyfjafyrirtækisins Alvogen.
