Disney birti í nótt síðustu stikluna fyrir Star Wars myndina The Rise of Skywalker. Kvikmyndin markar endalok sögunnar um Rey, Finn, Poe, Kylo Ren og allra hinna auk þess sem hún bindur enda á níu mynda söguna um Skywalker-fjölskylduna. JJ Abrams leikstýrir henni og verður hún frumsýnd þann 20. desember.
Það er ansi margt sem kemur fram í þessari stiklu eins og rödd Palpatine keisara, rödd Luke Skywalker og ýmislegt fleira.
