Meiðsli Kane ekki eins alvarleg og í fyrstu var talið

Harry Kane, framherji Tottenham og enska landsliðsins, mun ekki spila fótbolta næsta mánuðinn vegna meiðsla í ökla, en meiðslin eru ekki talinn eins alvarleg og í fyrstu var talið.

Blöð víðast hvar um heiminn greindu frá því á þriðjudag að Kane gæti mögulega verið frá þangað til í maí, en það er alls kosta ekki rétt. Liðbönd í ökla eiga að hafa skaðast, en það mun ekki taka eins langan tíma og fyrst var getið.

Tottenham gaf út yfirlýsingu í gær þar sem þeir greindu frá því að þeir reiknuðu með að Kane myndi snúa aftur á völlinn í apríl mánuði, fari allt eftir óskum í bataferli Kane.

„Ósáttur að vera frá þar til í næsta mánuði, en meiðsli eru hluti af leiknum. Mun gera allt til að komast út sem allra fyrst,” sagði Kane á Twitter-síðu sinni.