Lífið

Veruleikinn þurfti að víkja fyrir skáldskap á Klaustur bar

Kolbeinn Tumi Daðason skrifar
Bára Halldórsdóttir var á Klaustur bar 20. nóvember og kíkti svo aftur í gær með blaðamönnum Stundarinnar.
Bára Halldórsdóttir var á Klaustur bar 20. nóvember og kíkti svo aftur í gær með blaðamönnum Stundarinnar. Vísir/Vilhelm

„Þetta var skemmtilegt hvernig veruleikinn þurfti að víkja fyrir fyrir skáldskapnum, Skaupinu,“ segir Jón Bjarki Magnússon blaðamaður á Stundinni. Miðillinn svipti í morgun hulunni af Marvin, þeim sem tók umtalaðasta samtal landsins upp þriðjudagskvöldið 20. nóvember síðastliðinn og kom upptökum á fjölmiðla.

Marvin heitir í raun Bára Halldórsdóttir 42 ára kona, fötluð og hinsegin.

Blaðamenn Stundarinnar höfðu lokið viðtali sínu við Báru og ætluðu að taka ljósmyndir og myndbandsviðtal við Báru inni á Klaustri seinni partinn í gær. Þegar þeir mættu var barinn í raun lokaður þar sem tökulið Áramótaskaupsins hafði tekið barinn á leigu fyrir tökur.

„Það var búið að gera allt klárt, setja upp en liðið var ekki mætt eða var í þann mund að mæta,“ segir Jón Bjarki. 

Þeir hafi ekki viljað segja nákvæmlega hvað væri í gangi en fengið leyfi til að bregða sér inn og taka myndir. Þegar þau voru í þann mund að hefja töku á myndbandsviðtali, að lokinni ljósmyndatöku fyrir tölublað Stundarinnar, mætti eigandinn og sagði að þau yrðu frá að hverfa.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.