Innlent

Lík Kristins og Þorsteins fundust í Himalayafjöllum

Kolbeinn Tumi Daðason skrifar
Úr frétt Þjóðviljans þann 25. október árið 1988.
Úr frétt Þjóðviljans þann 25. október árið 1988.
Allt bendir til þess að líka tveggja íslenskra fjallgöngumanna, sem hugðust toppa Pumo Ri í Himalayafjöllum í Nepal árið 1988, séu fundin nú þrjátíu árum síðar. Bandarískur fjallgöngumaður segist hafa fundið tvö lík í fjallinu og leitað að skilríkjum á þeim. Komst hann að því að mennirnir væru íslenskir.



Elín Sigurveig Sigurðardóttir, framkvæmdastjóri Íslenskra Fjallaleiðsögumanna, tjáði Fréttablaðinu í dag að fyrrnefndur bandarískur fjallgöngumaðurinn hefði haft samband við hana eftir krókaleiðum.



„Hann er með nöfnin rétt stafsett. Eini tilgangurinn hans með þessu var að koma þessum upplýsingum á aðstandendur.“



Ekki næst samband við fjallgöngumanninn sem stendur en símasamband í Himalayafjöllum ekki gott og versnar eftir því sem ofar kemur. Gæti liðið nokkrir dagar þar til næst samband við hann aftur.



Þeir Kristinn og Þorsteinn voru 27 ára gamlir þegar þeir hurfu í Nepal. Þeir hugðust klífa hið 7161 metra háa fjall Pumo Ri en með í för var enskur félagi þeirra, Stephen Aisthorpe, og Jón Geirsson. Jón þurfti frá að hverfa fyrr í göngunni af heilsufarsástæðum. Sömu sögu er að segja um Aisthorpe.



Nánar verður rætt við Önnu Láru Friðriksdóttur, göngufélaga þeirra Kristins og Þorsteins, á Vísi síðar í kvöld.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.