Hjúkrunarfræðingar bálreiðir vegna barnabókar Birgittu Sylvía Hall skrifar 17. nóvember 2018 12:42 Sólveig segir staðalímyndir um hjúkrunarfræðinga valda því að strákar sæki ekki í námið og stéttin fái ekki þá virðingu sem hún eigi skilið. Vísir Sólveig Auðar Hauksdóttir, hjúkrunarfræðingur á Landspítalanum, birti færslu á Facebook-síðu sinni í morgun þar sem hún birtir blaðsíðu úr nýjustu barnabók Birgittu Haukdal, Lára fer til læknis. Færsluna birti hún i kjölfar mikillar umræðu í hópi hjúkrunarfræðinga í hópi þeirra á Facebook. Þar gætir mikillar óánægju með ýmislegt í bókinni. Á blaðsíðunni sem Sólveig birtir má sjá mynd af hjúkrunarfræðing aðstoða söguhetjuna Láru eftir að hún slasast. Á blaðsíðunni sem um ræðir er talað um hjúkrunarfræðinginn sem „hjúkrunarkonu“ og er hún klædd í kjól með kappa á höfðinu. Sólveig segir í færslunni að slík framsetning á hjúkrunarfræðingum ýti undir skaðlegar staðalímyndir um stéttina sem sé tímabært að leiðrétta og bendir á að starfsheitið „hjúkrunarkona“ hafi ekki verið notað síðan námið var gert að háskólanámi. „Það að smætta hlutverk hjúkrunarfræðings í að vera sæt og fín í kjól að aðstoða lækninn og kenna barni að nota hækjur er ótrúlega ófrumleg og skaðleg staðalímynd á starfi sem er svo mikið flóknara, fjölbreyttara, ábyrgðarmeira og skemmtilegra en fólk gerir sér grein fyrir,“ segir Sólveig. Hún segir jafnframt slíka framsetningu stuðla að því að strákar læri ekki hjúkrun og hjúkrunarfræðingar fái ekki þá virðingu sem stéttin á skilið. „Við erum ekki lyfjasjálfsalar, koddahristarar, dúllur eða aðstoðarkonur merkilegra karla.“Bókin er gefin út af Forlaginu.Ríkjandi hugsun að hjúkrunarfræðingar séu viljalausar framlengingar af læknum Í samtali við Vísi segir Sólveig að viðbrögðin hafi komið sér verulega á óvart en þegar fréttin er skrifuð er færslan komin með hátt í þúsund like og yfir 500 deilingar á þremur klukkutímum. Þessi misskilningur um störf hjúkrunarfræðinga sé þó algengur. „Það er ennþá ríkjandi sú hugsun að hjúkrunarfræðingar séu viljalausar framlengingar af læknum,“ segir Sólveig og bendir á að starf hjúkrunarfræðinga sé mun veigameira en margir halda. Í færslunni segir hún á að í raunheimi væri hjúkrunarfræðingur fyrsti heilbrigðisstarfsmaðurinn sem söguhetjan myndi hitta og það starf sem hjúkrunarfræðingurinn er látinn vinna í bókinni fellur undir verksvið sjúkraþjálfara. „Ef Lára litla myndi fótbrotna í raunheimum myndi fyrsti heilbrigðisstarfsmaðurinn sem hún hitti vera hjúkrunarfræðingur. Sá næsti líka. Þá myndi hún hitta lækni, svo geislafræðing sem myndi röntgenmynda hana og svo aftur hjúkrunarfræðing sem myndi gifsa hana.“ Þá bendir Sólveig jafnframt á að hjúkrunarfræðingurinn hafi ekkert nafn í sögunni og spyr því hvaða tilgangi hann þjóni fyrir framgang sögunnar.Barnabækur Birgittu Haukdal hafa selst afar vel undanfarin ár.Fréttablaðið/Anton BrinkEinungis konur sem koma að útgáfu bókarinnar Athygli vekur að einungis konur koma að útgáfu bókarinnar. Birgitta Haukdal er líkt og áður sagði höfundur og þá eru einnig konur sem ritstýra, myndskreyta og gefa út bókina. Í athugasemd við færslu Sólveigar er lýst yfir undrun á gamaldags orðalagi bókarinnar og spurt hvers vegna útgefandi hafi ekki gert athugasemd við það. Þá segist ein breyta orðalaginu þegar hún lesi fyrir barnabörnin sín svo það sé ekki með þessum hætti. „Auðvitað á að vanda til þegar barnabækur eru skrifaðar. Ég myndi ekki gefa barni svona misvísandi bók,“ segir í annarri athugasemd við færsluna. Samkvæmt heimildum Vísis geisaði hatrömm umræða í lokuðum Facebook-hópi hjúkrunarfræðinga í gær þar sem margir furðuðu sig á þessu orðavali, það geri lítið úr stéttinni og því starfi sem hún vinnur sem sé bæði mikilvægt og margþætt. Birgitta Haukdal vildi ekki tjá sig um málið að svo stöddu. Hér að neðan má lesa færslu Sólveigar í heild sinni. Bókmenntir Mest lesið Leigubíll án verðmerkingar og veitingastaðir í óleyfi Innlent Stal 73 rauðvínsflöskum og rúllaði burt á þríhjóli Erlent Tjald vonarinnar brann til kaldra kola Innlent Skötumessur Ásmundar Friðrikssonar gefa vel af sér Innlent Díselþjófar staðnir að verki: „Þetta er búið að kosta okkur milljónir“ Innlent Merkúr Máni sótti brons á Ólympíuleikunum í líffræði Innlent „Þá er samkeppnishæfnin farin, það segir sig bara sjálft“ Innlent Ísraelsher stöðvaði aðra skútu með vistum Erlent Hvalfjarðargöng opin á ný Innlent Virknin minnkað þó áfram gjósi Innlent Fleiri fréttir Tekist á um Evrópumálin Merkúr Máni sótti brons á Ólympíuleikunum í líffræði Leigubíll án verðmerkingar og veitingastaðir í óleyfi Virknin minnkað þó áfram gjósi Tjald vonarinnar brann til kaldra kola Skötumessur Ásmundar Friðrikssonar gefa vel af sér „Þá er samkeppnishæfnin farin, það segir sig bara sjálft“ Líkamsárás í farþegaskipi „Kaldar kveðjur frá ESB“ og tilfinningaþrungin stund á Druslugöngu Hvalfjarðargöng opin á ný „Það er verið að taka aðeins of mikið“ Díselþjófar staðnir að verki: „Þetta er búið að kosta okkur milljónir“ „Ég held að það sé nú best að anda rólega“ Áhugi ungra stráka á Druslugöngunni kom skemmtilega á óvart Mögulegir Evróputollar á íslenskar vörur, lundastofn í rénun og Druslugangan Komst ekki heim frá Íran fyrr en mánuði eftir árásirnar Segir eðlilegast að strandveiðiheimildir verði fyrir utan alla potta Reyndist fjölmennt matarboð „þar sem gleðin var við völd“ Skógasafn vill Gunnfaxa en beðið svara eigenda Áfram gýs úr einum gíg „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgarar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Sjá meira
Sólveig Auðar Hauksdóttir, hjúkrunarfræðingur á Landspítalanum, birti færslu á Facebook-síðu sinni í morgun þar sem hún birtir blaðsíðu úr nýjustu barnabók Birgittu Haukdal, Lára fer til læknis. Færsluna birti hún i kjölfar mikillar umræðu í hópi hjúkrunarfræðinga í hópi þeirra á Facebook. Þar gætir mikillar óánægju með ýmislegt í bókinni. Á blaðsíðunni sem Sólveig birtir má sjá mynd af hjúkrunarfræðing aðstoða söguhetjuna Láru eftir að hún slasast. Á blaðsíðunni sem um ræðir er talað um hjúkrunarfræðinginn sem „hjúkrunarkonu“ og er hún klædd í kjól með kappa á höfðinu. Sólveig segir í færslunni að slík framsetning á hjúkrunarfræðingum ýti undir skaðlegar staðalímyndir um stéttina sem sé tímabært að leiðrétta og bendir á að starfsheitið „hjúkrunarkona“ hafi ekki verið notað síðan námið var gert að háskólanámi. „Það að smætta hlutverk hjúkrunarfræðings í að vera sæt og fín í kjól að aðstoða lækninn og kenna barni að nota hækjur er ótrúlega ófrumleg og skaðleg staðalímynd á starfi sem er svo mikið flóknara, fjölbreyttara, ábyrgðarmeira og skemmtilegra en fólk gerir sér grein fyrir,“ segir Sólveig. Hún segir jafnframt slíka framsetningu stuðla að því að strákar læri ekki hjúkrun og hjúkrunarfræðingar fái ekki þá virðingu sem stéttin á skilið. „Við erum ekki lyfjasjálfsalar, koddahristarar, dúllur eða aðstoðarkonur merkilegra karla.“Bókin er gefin út af Forlaginu.Ríkjandi hugsun að hjúkrunarfræðingar séu viljalausar framlengingar af læknum Í samtali við Vísi segir Sólveig að viðbrögðin hafi komið sér verulega á óvart en þegar fréttin er skrifuð er færslan komin með hátt í þúsund like og yfir 500 deilingar á þremur klukkutímum. Þessi misskilningur um störf hjúkrunarfræðinga sé þó algengur. „Það er ennþá ríkjandi sú hugsun að hjúkrunarfræðingar séu viljalausar framlengingar af læknum,“ segir Sólveig og bendir á að starf hjúkrunarfræðinga sé mun veigameira en margir halda. Í færslunni segir hún á að í raunheimi væri hjúkrunarfræðingur fyrsti heilbrigðisstarfsmaðurinn sem söguhetjan myndi hitta og það starf sem hjúkrunarfræðingurinn er látinn vinna í bókinni fellur undir verksvið sjúkraþjálfara. „Ef Lára litla myndi fótbrotna í raunheimum myndi fyrsti heilbrigðisstarfsmaðurinn sem hún hitti vera hjúkrunarfræðingur. Sá næsti líka. Þá myndi hún hitta lækni, svo geislafræðing sem myndi röntgenmynda hana og svo aftur hjúkrunarfræðing sem myndi gifsa hana.“ Þá bendir Sólveig jafnframt á að hjúkrunarfræðingurinn hafi ekkert nafn í sögunni og spyr því hvaða tilgangi hann þjóni fyrir framgang sögunnar.Barnabækur Birgittu Haukdal hafa selst afar vel undanfarin ár.Fréttablaðið/Anton BrinkEinungis konur sem koma að útgáfu bókarinnar Athygli vekur að einungis konur koma að útgáfu bókarinnar. Birgitta Haukdal er líkt og áður sagði höfundur og þá eru einnig konur sem ritstýra, myndskreyta og gefa út bókina. Í athugasemd við færslu Sólveigar er lýst yfir undrun á gamaldags orðalagi bókarinnar og spurt hvers vegna útgefandi hafi ekki gert athugasemd við það. Þá segist ein breyta orðalaginu þegar hún lesi fyrir barnabörnin sín svo það sé ekki með þessum hætti. „Auðvitað á að vanda til þegar barnabækur eru skrifaðar. Ég myndi ekki gefa barni svona misvísandi bók,“ segir í annarri athugasemd við færsluna. Samkvæmt heimildum Vísis geisaði hatrömm umræða í lokuðum Facebook-hópi hjúkrunarfræðinga í gær þar sem margir furðuðu sig á þessu orðavali, það geri lítið úr stéttinni og því starfi sem hún vinnur sem sé bæði mikilvægt og margþætt. Birgitta Haukdal vildi ekki tjá sig um málið að svo stöddu. Hér að neðan má lesa færslu Sólveigar í heild sinni.
Bókmenntir Mest lesið Leigubíll án verðmerkingar og veitingastaðir í óleyfi Innlent Stal 73 rauðvínsflöskum og rúllaði burt á þríhjóli Erlent Tjald vonarinnar brann til kaldra kola Innlent Skötumessur Ásmundar Friðrikssonar gefa vel af sér Innlent Díselþjófar staðnir að verki: „Þetta er búið að kosta okkur milljónir“ Innlent Merkúr Máni sótti brons á Ólympíuleikunum í líffræði Innlent „Þá er samkeppnishæfnin farin, það segir sig bara sjálft“ Innlent Ísraelsher stöðvaði aðra skútu með vistum Erlent Hvalfjarðargöng opin á ný Innlent Virknin minnkað þó áfram gjósi Innlent Fleiri fréttir Tekist á um Evrópumálin Merkúr Máni sótti brons á Ólympíuleikunum í líffræði Leigubíll án verðmerkingar og veitingastaðir í óleyfi Virknin minnkað þó áfram gjósi Tjald vonarinnar brann til kaldra kola Skötumessur Ásmundar Friðrikssonar gefa vel af sér „Þá er samkeppnishæfnin farin, það segir sig bara sjálft“ Líkamsárás í farþegaskipi „Kaldar kveðjur frá ESB“ og tilfinningaþrungin stund á Druslugöngu Hvalfjarðargöng opin á ný „Það er verið að taka aðeins of mikið“ Díselþjófar staðnir að verki: „Þetta er búið að kosta okkur milljónir“ „Ég held að það sé nú best að anda rólega“ Áhugi ungra stráka á Druslugöngunni kom skemmtilega á óvart Mögulegir Evróputollar á íslenskar vörur, lundastofn í rénun og Druslugangan Komst ekki heim frá Íran fyrr en mánuði eftir árásirnar Segir eðlilegast að strandveiðiheimildir verði fyrir utan alla potta Reyndist fjölmennt matarboð „þar sem gleðin var við völd“ Skógasafn vill Gunnfaxa en beðið svara eigenda Áfram gýs úr einum gíg „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgarar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Sjá meira