Margrét Gísladóttir framkvæmdastjóri Landssambands Kúabænda og Teitur Björn Einarsson lögfræðingur gengu í það heilaga um helgina. Brúðkaup Margrétar og Teits var á æskuslóðum brúðarinnar við Glaumbæ í Skagafirði um helgina í ótrúlega fallegu veðri og fór athöfnin fram utandyra. Veislan var svo haldin í félagsheimilinu Miðgarði í Varmahlíð.

Margrét er fyrrum aðstoðarmaður Gunnars Braga Sveinssonar og Teitur er fyrrum þingmaður úr Sjálfstæðisflokknum og var um tíma aðstoðarmaður Bjarna Benediktssonar. Dagsetningin 18.08.18 virðist hafa verið vinsælt val í ár og var einstaklega mikið um brúðkaup hér á landi á laugardaginn.

Hér að neðan má sjá nokkrar myndir sem gestir deildu á samfélagsmiðlum á laugardag. Flestir notuðu merkinguna #glaumbakki á Instagram, en Margrét er uppalin á Glaumbæ en heimaslóðir Teits eru á Sólbakka á Flateyri.