Sjáðu sjöunda mark Svövu í tíu deildarleikjum í Noregi

Svava Rós Guðmundsdóttir hefur verið að standa sig afar vel með Røa í norsku úrvalsdeildinni í knattspyrnu en hún hefur verið að raða inn mörkum.

Svava Rós gekk í raðir norska liðsins fyrir tímabilið en hún hefur skorað sjö mörk í fyrstu tíu leikjunum sem hún hefur spilað með liðinu.

Síðast í gær skoraði Svava en hún skoraði fyrra mark Røa í 2-2 jafntefli gegn Avaldsnes. Svava Rós kom Røa yfir eftir hú slapp ein í gegn og kláraði færið vel.

Svava Rós og stöllur hennar í Røa eru í sjötta sæti deildarinnar með sautján stig eftir tólf leiki en einungis munar fimm stigum frá liðunum í fjórða og tíunda sætinu.

Mark Svövu frá því í gær má sjá hér að neðan.