L'Equipe: Liverpool ætlar að bjóða Fellaini þriggja ára samning

Franska blaðið L'Equipe slær því upp í dag að Jürgen Klopp, knattspyrnustjóri Liverpool, sé á eftir belgíska miðjumanninum og landsliðsmanninum Marouane Fellaini.

Marouane Fellaini er að renna út á samning hjá Manchester United og Liverpool er sagt í fréttinni vera tilbúið að bjóða honum þriggja ára samning en Fellaini er þrítugur.

Klopp er að leita að manni inn á miðjuna núna þegar það er langt frá því að vera öruggt að Emre Can spili áfram með Liverpool-liðinu.

Liverpool have drawn up a three-year deal for Marouane Fellaini according to the papers.

They aren't the only ones showing an interest.

Gossip: https://t.co/1RqlRIKybjpic.twitter.com/aA6kupMU0K

— BBC Sport (@BBCSport) April 9, 2018

Fellaini lék áður í Liverpool en þá með nágrönnunum í Everton. Það eru ekki margir leikmenn Liverpool í gegnum tíðina sem hafa áður spilað með bæði Manchester United og Everton.

Fari Fellaini beint frá Manchester United til Liverpool þá yrði hann fyrsti leikmaðurinn í fimmtíu ár til að fara beint á milli félaganna. Síðastur til að fara frá Old Trafford yfir á Anfield var Phil Chisnall árið 1964.

BREAKING: Marouane Fellaini has been approached by Liverpool and offered a 3 year contract. The Belgian becomes a free agent in the summer. [L’Equipe] pic.twitter.com/5MWdAMHwD7

— Anfield Edition (@AnfieldEdition) April 8, 2018

Liverpool fær samt örugglega samkeppni um Fellaini því frönsku liðin Paris Saint-Germain og Mónakó hafa einnig áhuga á að semja við Belgann.

Paris Saint-Germain sér Fellaini fyrir sér sem eftirmann Thiago Motta og þar gæti Belginn einnig fengið þriggja ára samning.