Agureo frá í tvær vikur

Sergio Aguero verður ekki í liði Manchester City sem mætir Stoke annað kvöld vegna meiðsla. Hann greindi frá því á Twitter í dag að hann yrði frá næstu tvær vikur.

Agureo meiddist á hné á æfingu City í gær og staðfestu læknar liðsins að hann þyrfti að hvílast næstu tvær vikur.

During yesterday's training I had a discomfort on my left knee. The club's doctors told me I'll be back with the team in approximately two weeks. Now it's time for a full recovery!

— Sergio Kun Aguero (@aguerosergiokun) March 11, 2018

Stuðningsmenn City þurfa þó ekki að örvænta um of því eftir leikinn annað kvöld mun City ekki spila leik fyrr en 31. mars þegar liðið fer til nágrannaborgarinnar Liverpool og mætir Everton á Goodison Park.

Leikur Stoke og Manchester City verður í beinni útsendingu á Stöð 2 Sport annað kvöld og hefst útsending klukkan 19:50.