Næringarfræðingur segir umtalaða glæru tekna úr samhengi Birgir Olgeirsson skrifar 8. febrúar 2018 11:30 Ólafur Sæmundsson næringafræðingur hélt fyrirlestur fyrir unga knattspyrnuiðkendur sem hefur vakið talsverða athygli á netinu. Ólafur Sæmundsson Glæra sem Ólafur G. Sæmundsson, næringarfræðingur við Háskólann í Reykjavík, sýndi á fyrirlestri sem hann hélt fyrir unga knattspyrnuiðkendur í Víkingi í vikunni hefur verið gagnrýnd harðlega en Ólafur segir glæruna hafa verið tekna úr samhengi. Ólafur var fenginn til að fara yfir með ungum knattspyrnuiðkendum hjá Víkingi hvernig þeir ættu að haga mataræði sínu og lagði hann áherslu á að þeir ættu að tryggja að þeir fengju nóg af prótínum, kolvetnum, fitu, vítamínum og steinefnum úr fæðu yfir daginn. Ólafur fór yfir það hvernig mataræði sem hentar einum hópi einstaklinga henti ekki endilega öðrum hópum einstaklinga. Tók hann sem dæmi mataræði sonar síns Sæmundar Ólafssonar, frjálsíþróttamanns, sem þarf að uppfylla mun meiri orkuþörf yfir daginn heldur en meðalmaðurinn. Benti Ólafur á að ef venjulegur maður myndi innbyrða jafn mikið af mat yfir daginn og sonur hans þá myndi sá maður enda í offitu.Guðni Páll Pálsson, Arnar Pétursson og Sæmundur Ólafsson eftir hlaupahátíð Ármanns í Laugardal árið 2015.Bjarni Már ÓlafssonÓlafur fór síðan yfir með krökkunum hvernig „góður dagur“ liti út fyrir þau þegar kemur að næringu. Hann afhenti þjálfara hjá Víkingi glærurnar en einhvers staðar í ferlinu fór mynd af matseðli sonar hans í dreifingu og sögð vera ráðlegging Ólafs til krakkanna um það hvað þau ættu að borða yfir daginn. Á meðal þeirra sem gagnrýndu þessa meintu ráðleggingu Ólafs til knattspyrnuiðkendanna ungu var einkaþjálfarinn Egill Einarsson sem sagði þetta vera dæmi um hvað sumir íslenskir næringarfræðingar eru á villigötum.Það er ekki til nógu mikill klósettpappír til að skeina sumum íslenskum næringarfræðingum. Tekið úr fyrirlestri fyrir 4. flokk karla í knattspyrnu - dæmi um hvernig "góður dagur" getur litið út. #HorseManure pic.twitter.com/qrTXZfd25t— Egill Einarsson (@EgillGillz) February 7, 2018 Fer reglulega yfir mataræði sonarins Frá því sonur Ólafs var tíu ára gamall hefur hann á hverju ári beðið son sinn um að skrifa allt það sem hann borðar á einum degi. Um er að ræða handahófskenndan dag þar sem Ólafur hefur ekki lagt honum línurnar og sonurinn fengið að ráða hvað hann vill borða. Þessi tiltekni dagur sem Ólafur birti á fyrirlestrinum var fyrir þremur árum þegar Sæmundur var nítján ára gamall, 185 sentímetra hár og 71 kíló að þyngd. Ólafur tekur síðan saman allt það sem sonurinn skrifaði niður, tekur af því myndir og reiknar út orku og næringu sem er í matnum yfir daginn og hvort það uppfylli þörf sonar hans fyrir prótínum, kolvetnum, fitu, vítamínum og steinefnum. Þessi tiltekni dagur hans uppfyllti öllum þeim þörfum sem íþróttamenn sem æfa jafn öfgakennt og sonur hans gerir, þurfa að uppfylla en þess má gæta að Sæmundur stóð uppi sem sigurvegari í 800 metra hlaupi á Reykjavíkurleikunum um liðna helgi. Á myndunum er meðal annars farið yfir hvað sonur hans fékk sér í kvöldhressingu þennan tiltekna dag en það var skúffukaka, tvær fernur af kókómjólk, Kellogs-stykki, þrjár mandarínur og eplasafi.Matseðill sonar Ólafs fyrir þremur árum.Ólafur SæmundssonSkúffukaka ekki dæmi um hollustu Ólafur segir að skúffukakan og kókómjólkin sé alls ekki dæmi um hollustu en geti hjálpað íþróttamönnum sem æfa af mjög miklu kappi að uppfylla orkuþörf sína yfir daginn. Sonur hans er til að mynda hlaupari sem þurfti að þyngja sig á þessum tíma og þurfti því að innbyrða mikla orku. Er það ítrekað að um miklar öfgar er að ræða við æfingar í því tilviki og ef meðalmaður myndi innbyrða jafn mikla fæðu og sonur Ólafs gerði þennan dag í langan tíma myndi hann væntanlega fara í ofþyngd. „Kökurnar eru ekki ímynd hollustu en heildarmyndin fyrir þennan unga mann miðað við þá öfga sem hann innir af hendi þjálfunarlega séð þá kemur þessi dagur ekki illa út, ekki fyrir hann. En fyrir flesta einstaklinga á hans reki, ef þeir myndu borða svona, þá væru þeir að borða helmingi fleiri hitaeiningar en þeir ráða við, sem myndi leiða til offitu. Það sem ég er að segja að mataræði sem hentar fyrir einn hóp einstakling hentar auðvitað ekki endilega fyrir annan hóp einstaklinga,“ segir Ólafur. Á glærunum var að finna ráðleggingar til ungra knattspyrnuiðkenda sem að jafnaði brenna um 2.500 hitaeiningar á dag sem fæst með því að æfa í eina og hálfa klukkustund á þeim degi. Þar innbyrðir knattspyrnuiðkandinn um 680 hitaeiningar um morguninn með því að borða hafragraut, rúsínur, nýmjólk og lýsi klukkan átta og epli og ávaxtasafa klukkan 10. 650 hitaeiningar eru innbyrtar í hádeginum með því að borða kjúklingalasagna með birkibollu, 190 hitaeiningar í miðdegisverði með því að borða Cheerios og mjólk, 285 hitaeiningar eru fengnar úr banana og kókómjólk eftir æfingu, 940 hitaeiningar eru fengnar úr pizzu, brauðstöng og ávaxtasafa í kvöldverð og 130 hitaeiningar eru fengnar úr vínberjum og tómötum í kvöldhressingu. Hann segir umræðuna í þjóðfélaginu gjarnan snúast um megrun og öfga en það sem Ólafur segist leggja áherslu á er að fólk tryggi að það uppfylli orkuþörf sína og fái öll þau prótín, kolvetni, vítamín og steinefni sem líkaminn þarf yfir daginn.Glærusýning Ólafs í heild sinni er að finna í viðhengi með fréttinni.Ólafur Sæmundsson Mest lesið „Það þarf að stoppa svona menn áður en þeir drepa einhvern“ Innlent Fjölskylda í norðurljósaleit hrakin á brott af leiðsögumönnum Innlent „Hvergi í verklagsreglum að við séum að reka fólk í burtu“ Innlent Íbúar Hlíða velta fyrir sér dularfullum hvelli Innlent Svipar til gamalla óupplýstra rána Innlent Ísland að tapa í slagnum um ferðamenn Innlent Fullkomlega sáttur við ákvörðun sína en útilokar ekkert Innlent Hamfaragámur Bónus tryggir kældan mat í neyðarástandi Innlent Ísland sé í torfkofanum í meðferð alvarlegra atvika Innlent Verulega brugðið yfir Hamraborgarmálinu Innlent Fleiri fréttir Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Læknafélagið mótfallið lögleiðingu dánaraðastoðar „Trúði því ekki að þetta væri ég“ Ekki viss hvort nokkru þurfi að breyta eftir tug milljóna króna þjófnað 546 Grindvíkingar vilja selja Þórkötlu húsið sitt Sjá meira
Glæra sem Ólafur G. Sæmundsson, næringarfræðingur við Háskólann í Reykjavík, sýndi á fyrirlestri sem hann hélt fyrir unga knattspyrnuiðkendur í Víkingi í vikunni hefur verið gagnrýnd harðlega en Ólafur segir glæruna hafa verið tekna úr samhengi. Ólafur var fenginn til að fara yfir með ungum knattspyrnuiðkendum hjá Víkingi hvernig þeir ættu að haga mataræði sínu og lagði hann áherslu á að þeir ættu að tryggja að þeir fengju nóg af prótínum, kolvetnum, fitu, vítamínum og steinefnum úr fæðu yfir daginn. Ólafur fór yfir það hvernig mataræði sem hentar einum hópi einstaklinga henti ekki endilega öðrum hópum einstaklinga. Tók hann sem dæmi mataræði sonar síns Sæmundar Ólafssonar, frjálsíþróttamanns, sem þarf að uppfylla mun meiri orkuþörf yfir daginn heldur en meðalmaðurinn. Benti Ólafur á að ef venjulegur maður myndi innbyrða jafn mikið af mat yfir daginn og sonur hans þá myndi sá maður enda í offitu.Guðni Páll Pálsson, Arnar Pétursson og Sæmundur Ólafsson eftir hlaupahátíð Ármanns í Laugardal árið 2015.Bjarni Már ÓlafssonÓlafur fór síðan yfir með krökkunum hvernig „góður dagur“ liti út fyrir þau þegar kemur að næringu. Hann afhenti þjálfara hjá Víkingi glærurnar en einhvers staðar í ferlinu fór mynd af matseðli sonar hans í dreifingu og sögð vera ráðlegging Ólafs til krakkanna um það hvað þau ættu að borða yfir daginn. Á meðal þeirra sem gagnrýndu þessa meintu ráðleggingu Ólafs til knattspyrnuiðkendanna ungu var einkaþjálfarinn Egill Einarsson sem sagði þetta vera dæmi um hvað sumir íslenskir næringarfræðingar eru á villigötum.Það er ekki til nógu mikill klósettpappír til að skeina sumum íslenskum næringarfræðingum. Tekið úr fyrirlestri fyrir 4. flokk karla í knattspyrnu - dæmi um hvernig "góður dagur" getur litið út. #HorseManure pic.twitter.com/qrTXZfd25t— Egill Einarsson (@EgillGillz) February 7, 2018 Fer reglulega yfir mataræði sonarins Frá því sonur Ólafs var tíu ára gamall hefur hann á hverju ári beðið son sinn um að skrifa allt það sem hann borðar á einum degi. Um er að ræða handahófskenndan dag þar sem Ólafur hefur ekki lagt honum línurnar og sonurinn fengið að ráða hvað hann vill borða. Þessi tiltekni dagur sem Ólafur birti á fyrirlestrinum var fyrir þremur árum þegar Sæmundur var nítján ára gamall, 185 sentímetra hár og 71 kíló að þyngd. Ólafur tekur síðan saman allt það sem sonurinn skrifaði niður, tekur af því myndir og reiknar út orku og næringu sem er í matnum yfir daginn og hvort það uppfylli þörf sonar hans fyrir prótínum, kolvetnum, fitu, vítamínum og steinefnum. Þessi tiltekni dagur hans uppfyllti öllum þeim þörfum sem íþróttamenn sem æfa jafn öfgakennt og sonur hans gerir, þurfa að uppfylla en þess má gæta að Sæmundur stóð uppi sem sigurvegari í 800 metra hlaupi á Reykjavíkurleikunum um liðna helgi. Á myndunum er meðal annars farið yfir hvað sonur hans fékk sér í kvöldhressingu þennan tiltekna dag en það var skúffukaka, tvær fernur af kókómjólk, Kellogs-stykki, þrjár mandarínur og eplasafi.Matseðill sonar Ólafs fyrir þremur árum.Ólafur SæmundssonSkúffukaka ekki dæmi um hollustu Ólafur segir að skúffukakan og kókómjólkin sé alls ekki dæmi um hollustu en geti hjálpað íþróttamönnum sem æfa af mjög miklu kappi að uppfylla orkuþörf sína yfir daginn. Sonur hans er til að mynda hlaupari sem þurfti að þyngja sig á þessum tíma og þurfti því að innbyrða mikla orku. Er það ítrekað að um miklar öfgar er að ræða við æfingar í því tilviki og ef meðalmaður myndi innbyrða jafn mikla fæðu og sonur Ólafs gerði þennan dag í langan tíma myndi hann væntanlega fara í ofþyngd. „Kökurnar eru ekki ímynd hollustu en heildarmyndin fyrir þennan unga mann miðað við þá öfga sem hann innir af hendi þjálfunarlega séð þá kemur þessi dagur ekki illa út, ekki fyrir hann. En fyrir flesta einstaklinga á hans reki, ef þeir myndu borða svona, þá væru þeir að borða helmingi fleiri hitaeiningar en þeir ráða við, sem myndi leiða til offitu. Það sem ég er að segja að mataræði sem hentar fyrir einn hóp einstakling hentar auðvitað ekki endilega fyrir annan hóp einstaklinga,“ segir Ólafur. Á glærunum var að finna ráðleggingar til ungra knattspyrnuiðkenda sem að jafnaði brenna um 2.500 hitaeiningar á dag sem fæst með því að æfa í eina og hálfa klukkustund á þeim degi. Þar innbyrðir knattspyrnuiðkandinn um 680 hitaeiningar um morguninn með því að borða hafragraut, rúsínur, nýmjólk og lýsi klukkan átta og epli og ávaxtasafa klukkan 10. 650 hitaeiningar eru innbyrtar í hádeginum með því að borða kjúklingalasagna með birkibollu, 190 hitaeiningar í miðdegisverði með því að borða Cheerios og mjólk, 285 hitaeiningar eru fengnar úr banana og kókómjólk eftir æfingu, 940 hitaeiningar eru fengnar úr pizzu, brauðstöng og ávaxtasafa í kvöldverð og 130 hitaeiningar eru fengnar úr vínberjum og tómötum í kvöldhressingu. Hann segir umræðuna í þjóðfélaginu gjarnan snúast um megrun og öfga en það sem Ólafur segist leggja áherslu á er að fólk tryggi að það uppfylli orkuþörf sína og fái öll þau prótín, kolvetni, vítamín og steinefni sem líkaminn þarf yfir daginn.Glærusýning Ólafs í heild sinni er að finna í viðhengi með fréttinni.Ólafur Sæmundsson
Mest lesið „Það þarf að stoppa svona menn áður en þeir drepa einhvern“ Innlent Fjölskylda í norðurljósaleit hrakin á brott af leiðsögumönnum Innlent „Hvergi í verklagsreglum að við séum að reka fólk í burtu“ Innlent Íbúar Hlíða velta fyrir sér dularfullum hvelli Innlent Svipar til gamalla óupplýstra rána Innlent Ísland að tapa í slagnum um ferðamenn Innlent Fullkomlega sáttur við ákvörðun sína en útilokar ekkert Innlent Hamfaragámur Bónus tryggir kældan mat í neyðarástandi Innlent Ísland sé í torfkofanum í meðferð alvarlegra atvika Innlent Verulega brugðið yfir Hamraborgarmálinu Innlent Fleiri fréttir Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Læknafélagið mótfallið lögleiðingu dánaraðastoðar „Trúði því ekki að þetta væri ég“ Ekki viss hvort nokkru þurfi að breyta eftir tug milljóna króna þjófnað 546 Grindvíkingar vilja selja Þórkötlu húsið sitt Sjá meira