Einn særður eftir skothríð í dómkirkjunni í Berlín

Lögreglumenn skutu mann í fótleggina eftir að hann gekk berserksgang og ógnaði fólki með hnífi í dómkirkjunni í Berlín síðdegis. Sjónarvottar segja að lögreglan hafi verið vopnuð hríðskotabyssum og að minnst einn lögreglumaður hafi legið særður eftir atvikið. Um hundrað manns voru í kirkjunni þegar þetta gerðist og hefur þeim verið boðin áfallahjálp.

Að sögn lögreglunnar er málið ekki talið tengjast hryðjuverkum. Frekari upplýsingar verði gefnar á blaðamannafundi seinna í dag.



Uppfært klukkan 17:45:

Lögreglan segir að árásarmaðurinn sé 53 ára gamall Austurríkismaður. Honum hafi tekist að særa einn lögreglumann með hnífnum áður en hann var sjálfur skotinn í fótleggina og fluttur á sjúkrahús. Maðurinn var í annarlegu ástandi að sögn sjónarvotta.

 

Large number of armed police at ongoing incident at Berliner Dom. #berlin #berlinerdom pic.twitter.com/SLP6voUI1A

— Arjan Koenders (@ArjanKoenders1) June 3, 2018