Rörasprengjan reyndist vera rafhlaða

Í síðustu viku fannst rörasprengja í strætóskýli við Hlíðarveg í Kópavogi. Í kjölfarið sendi lögreglan út tilkynningu þar sem ítrekað var hve mikil hætta stafar af slíkum sprengjum.

Lögreglan á höfuðborgarsvæðinu vann að málinu ásamt sprengjusveit sérsveitar ríkislögreglustjóra.

Hluturinn reyndist ekki vera rörasprengja heldur rafhlaða, en útúr henni stóð vír, sem varð til þess að munurinn leit torkennilega út.

Lögreglan vill minna á að ef fólk telur sig hafa fundið hættulega muni, eins og rörapsrengjur, er alltaf öruggast að kalla til lögreglu, eins og gert var í umrætt tilvik.



Fréttin var uppfærð eftir frekari upplýsingar frá lögreglu.