Nafn mannsins sem fannst látinn á víðavangi á Selfossi

Maðurinn sem fannst látinn við Heiðarveg á Selfossi 9. febrúar síðastliðinn hét Jerzy Krzysztof Mateuszek. Hann var fæddur árið 1972, skráður til heimilis í Reykjavík.

Bráðabirgðaniðurstaða úr krufningu á líki mannsins liggur fyrir. Dánarorsökin er af náttúrulegum orsökum og ekki grunur um að refsiverð háttsemi tengist því á neinn hátt að því er segir í tilkynningu frá lögreglunni á Suðurlandi.

Lík mannsins fannst á auðri lóð við Heiðarvog á Selfossi og talið var að það hefði legið úti í nokkurn tíma áður en það fannst.