Bein útsending: Kvöldfréttir Stöðvar 2

Faðir sex ára stúlku segist ekki geta hugsað til enda hvernig hefði farið ef dóttir hans hefði ekki verið í bílstól með baki þegar annar bíll ók harkalega aftan á bíl fjölskyldunnar á miklum hraða, en hún slapp með skrámur frá slysinu. Hann hvetur fólk til að huga að öryggi barna í bílum því bílsætin bjargi lífum. Rætt verður við hann í fréttum Stöðvar tvö klukkan 18:30.

Við tölum líka við formann Dýraverndunarsamtaka Íslands, sem segir vinnubrögð lögreglu gagnrýniverð í máli ferðamanna sem eltu uppi lamb og slátruðu því. Við hittum líka geimfara sem gekk á tunglinu og loks, leitum við að sumrinu.

Kvöldfréttir Stöðvar 2 hefjast klukkan 18:30.