Albert fékk rauða spjaldið í martraðarendi PSV

Albert Guðmundsson og félagar í unglingaliði PSV Eindhoven töpuðu í kvöld 3-2 á heimavelli á móti Fortuna Sittard í hollensku b-deildinni.

Þetta leit vel út fyrir PSV liðið þegar aðeins tíu mínútur voru eftir af leiknum en liðið var þá 2-1 yfir.

Leikmenn Fortuna Sittard snéru hinsvegar leiknum við með tveimur mörkum á tveimur mínútum og tryggðu sér sigurinn. Fyrra markið kom úr víti.

Albert Guðmundsson fékk sitt annað gula spjald á þriðju mínútu í uppbótartíma og fór því snemma í sturtu.

Úrslitin eru mikil vonbrigði fyrir PSV liðið sem var 2-0 yfir í hálfleik eftir mörk frá Donyell Malen og Sam Lammers. Albert fékk líka frábært færi til að skora þriðja mark liðsins í fyrri hálfleiknum.

PSV gaf mikið eftir í seinni hálfleik og tapaði honum 3-0. Albert fékk fyrra gula spjaldið sitt eftir 66. mínútna leik.

Eindstand Jong PSV - Fortuna Sittard: 2-3.

1-0 Malen (30)

2-0 Lammers (38)

2-1 Askovski (61)

2-2 Semedo (85p)

2-3 Askovski (86) pic.twitter.com/KtHgngZbIk

— PSV (@PSV) December 4, 2017