Innlent

Hjólreiðamaður lést í umferðarslysi á Sæbraut

Þórdís Valsdóttir skrifar
Hjólreiðamaður lést þegar reiðhjól og bíll rákust saman um miðjan dag í dag.
Hjólreiðamaður lést þegar reiðhjól og bíll rákust saman um miðjan dag í dag. Vísir
Karlmaður lést í umferðarslysi á gatnamótum Sæbrautar og Kirkjusands í Reykjavík í dag þegar reiðhjól og bifreið rákust saman. Hinn látni var á reiðhjóli. Þetta kemur fram í tilkynningu frá Lögreglunni á höfuðborgarsvæðinu.

Lögreglunni barst tilkynning um slysið kl. 13:01 í dag. 

Rannsóknarnefnd samgönguslysa og lögreglan rannsaka tildrög slyssins og lögreglan segir að ekki sé unnt að greina frá nafni hins látna að svo stöddu.

Lögreglan óskar eftir vitnum að slysinu og biður þá sem hafa upplýsingar um slysið að hafa samband í síma 444-1000. Einnig er hægt að senda upplýsingar í tölvupósti á netfangið gudmundur.pall@lrh.is eða í gegnum Facebook síðu Lögreglunnar á höfuðborgarsvæðinu.




Tengdar fréttir




Fleiri fréttir

Sjá meira


×