Réðst á tvær konur með hamri

Tvær konur eru særðar eftir að karlmaður réðst á þær með hamri í bænum Chalon-sur-Saone í Frakklandi í dag. Maðurinn er sagður hafa öskrað „Allahu Akbar“ eða „Guð er mikill“ á meðan hann barði konurnar með hamrinum.

Málið er rannsakað sem hryðjuverk en yfirvöld útiloka ekki að maðurinn eigi við geðræn vandamál að stríða. Þetta kemur fram í frétt Reuters, en maðurinn hefur ekki verið handsamaður enn.

Þá réðst maður vopnaður hnífi á hermann á götum Parísar. Hermaðurinn yfirbugaði manninn án þess að hljóta sár en maðurinn var ekki kunnugur yfirvöldum í Frakklandi. Samkvæmt frétt The Local í Frakklandi er málið einnig rannsakað sem hryðjuverk.